Mugaritz jatetxea eta Etxebarri erretegia, munduko 10 onenen artean
Andoni Luis Adurizen Mugaritz jatetxea (Errenteria, Gipuzkoa) eta Bittor Arginzonizen Etxebarri erretegia (Axpe, Bizkaia) munduko hamar onenen artean daude, World's 50 Best Restaurants sailkapenaren arabera. Bederatzigarren eta hamargarren sailkatu dira, hurrenez hurren.
2017ko sailkapen berdina errepikatu du Adurizek. Argizonizek, ostera, atzera egin du, iaz seigarren sailkatu baitzen.
Guztira, lau euskal jatetxe sartu dira 50 onenen artean: Larrabetzuko Azurmendi (43. postuan), Donostiako Arzak (31.ean), Atxondoko Etxebarri (10.ean) eta Errenteriako Mugaritz (9.ean).
Modenako (Italia) Osteria Francescana munduko jatetxerik onena izendatu du The World's 50 Best Restaurants zerrendak. Erresuma Batuko Restaurant aldizkariak gauean eman du zerrendaren berri, Bilboko Euskalduna Jauregian. Munduko 50 jatetxe onenen artean Espainiako Estatuko zazpi daude. Can Rocako Celler jatetxea bigarren sailkatu da.
Massimo Bottura, Osteria Francescana (Italia) jatetxeko sukaldaria. Argazkia: EFE
Gastronomiaren Oscarrak, esan bezala, Bilboko Euskalduna Jauregian banatu dituzte, bertan egin baitute aurten munduko 50 jatetxe onenak izendatzeko zeremonia.
Osteria Francescanak Eleven Madison Park (New York) jatetxearen lekua hartu du aurten, Daniel Humm sukaldariaren jatetxe estatubatuarra izendatu baitzuten iaz munduko onena.
Osteria Francescana (Italia) jatetxearen ostean, hauek sailkatu dira hamar onenen artean: Celler (Girona), Mirazur (Frantzia), Eleven Madison Park (AEB), Gagan (Thailandia), Central (Peru), Maido (Peru), Arpege (Frantzia), Mugaritz (Errenteria) eta Etxebarri (Axpe, Atxondo).
Zure interesekoa izan daiteke
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, txerri-izurri afrikarra dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, txerri-izurri afrikarra zabaltzea eragin omen zuen ihesaldi bat ikertzeko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.