Israel-Premier Tech taldeak herrialdearen izena ezabatu du txirrindularien maillotetik
Israelgo txirrindulari taldeak "segurtasun neurri" gisa justifikatu du aldaketa, Palestinaren aldeko etengabeko protesten aurrean.
Israelgo taldearen izenik gabeko maillota. Argazkia: Israel-Premier Tech
Israel-Premier Tech taldeak herrialdearen izena bere txirrindularien maillotetik kendu du. Hala, Espainiako Itzuliko 14. etapatik aurrera, Premier Techen monograma bakarrik eramango dute, Israelgo taldeak jakitera eman duenez.
Sare sozialetan iragarri dutenaren arabera, "txirrindularien eta tropelaren segurtasuna lehenesteko" hartu du taldeak, lasterketan gertatzen ari diren protesten aurrean. Taldeak azpimarratu duenez, neurriak bat egiten du bere irudi korporatiboari buruzko aldez aurreko erabakiekin.
Lasterketa behin baino gehiagotan eten dute Palestinaren aldeko protestek; azkenengoz, Angliruko etapan. Bertan, 30 segundo inguru eten zen, manifestari talde batek pankarta bat errepidean zabaldu zuenean. Aurretik, Bilboko etapako azken hiru kilometroak bertan behera utzi zituzten, "segurtasun arrazoiak" argudiatuta".
Horrenbestez, orain arte taldearen izen osoa erakusten zuen maillotak ez du "Israel" hitza erakutsiko Espainiako Vueltan. Hala eta guztiz ere, Israelgo taldeak azpimarratu du ez duela aldatuko taldeak lasterketan duen izen ofiziala.
Protesta gehiago Vueltan
Palestinaren aldeko mobilizazio gehiago izan dira lasterketan, gaurkoan Avilesen (Asturias), Vueltako 14. etaparen irteerarekin bat eginez. Ehunka lagunek Palestinako banderak erakutsi dituzte eta "Israeli boikota" eta "Palestina garaile" oihukatu dute.
Protesta horretan, Ovidio Zapico IUren Asturiasko koordinatzaile nagusiak adierazi duenez, "Vuelta Palestinak irabazi du", herritarren mobilizazio handia ikusita.
Horrez gain, "Israel egiten ari den genozidioa" geldiarazteko eskatu dio nazioarteari, eta "Asturiasek" taldea kanporatzeko egindako aldarria babestu du.
Zure interesekoa izan daiteke
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.
Lasaitasuna errepideetan irteera operazioaren lehen orduetan, goiz nahasiaren ostean
Asteburu honetan, auto ilarak izango dira EAEko errepide sareko ohiko lekuetan, Europatik datozen ibilgailu ugari penintsularen hegoaldera doazelako.
Albiste izango dira: Udako irteera operazioa, migrazio krisia Ceutan eta La Oreja de Van Gogh Donostian
Gaurkoan Orain-en albiste izango direnen laburpena, bi hitzetan.
Donostiako Klasikoak eragina izango du larunbatean Gipuzkoako trafikoan
Bestalde, Bizkaian, abuztuaren 2an, igandea, Getxoko 81. Txirrindularitza Zirkuitua-Otxoa anaiak Memoriala dela eta, zirkulazioari lotutako hainbat gorabehera izango dira, horien artean debekatuta egongo da lasterketaren noranzkoan zirkulatzea.
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.