Bilboko Euskalduna zubia itxi behar izan dute egitura mugitu delako
Bilboko Euskalduna zubia itxi behar izan dute, egituran irristatze bat gertatu ondoren, Radio Euskadik aurreratu duenez. Zubia ibilgailuentzako itxita dago, oinezkoentzako bakarrik 09:15 aldera zabaldu ondoren.
Konkretuki, zubia oinezkoentzako zabalik dago, baina Deustuko kiroldegiaren parean dauden espaloietatik soilik, Udalak zehaztu duenez. Horrela, egitura mugitu den tokitik oinezkoak pasatzea saihestu nahi dute arduradunek.
Gertakaria 05:00ak aldera jazo da. Botikazar Ibarreko bizilagunak danbatekoarekin esnatu dira, zubia hautsi den unean, eta Ertzaintzari abisua eman diote.
Zubiko egituraren haustura begi-bistakoa da zubiaren estalkian. Hormigoizko plaka bat apurtu egin da. Gutxi gorabehera metro erdiko haustura bat da.
Irristatzea Botikazar Ibarreko zonan gertatu da, zubiaren behealdean. Udaleko teknikariak, suhiltzaileak, Udaltzaingoa eta Ertzaintza bertaratu dira.
(Euskalduna zubia oinezkoentzako berriro zabaldu duten unea. Argazkiak: EiTB)
Behin-behineko neurri bat dela azaldu du Udaltzaingoko bozeramaile batek, teknikariek gertatutakoa aztertu bitartean.
"Badaezpada eta segurtasunagatik" zubia ixteko erabakia hartu dute Udaleko buruzagiek. Dirudienez, asentatze mugimendu bat izan da; duela urte batzuk gauza bera gertatu zen.
Arrakalan plaste batzuk jarri dituzte, zubiaren estalkiak behera egiten jarraitzen duen egiaztatzeko.
Asier Orbe EHUko ingeniaritza irakasleak Radio Euskadin azaldu duenez, “lehen begiratuan asentatze bat ematen du” eta “zubiari eragin dionik ez du ematen”.
Trafikoa hiriko beste sarbide batzuetatik desbideratzen ari dira. Itsasadarra zeharkatzeko beste zubi batzuk erabiltzeko gomendioa eman du Udaltzaingoak, hala nola Deustu, Salbeko edo Mesedeetako zubiak. Era berean, Bilbora sartzeko bide alternatiboak erabiltzea gomendatu du Udalak, Sabino Arana etorbidea ala Campo Volantin esaterako.
Zure interesekoa izan daiteke
EAEko Auzitegi Nagusiak bi egonkortze prozesu eten ditu C2 euskara maila eskatzeagatik
Zehazki, udal idazkari eta kontu-hartzaile postuetarako IVAPek emandako bi ebazpen utzi ditu bertan behera Auzitegiak. Eusko Jaurlaritza epaia aztertzen ari da kasazio helegitea aurkeztuko duen erabakitzeko.
Gasteizen bikote homosexual bati eraso egin zion adingabea atxilotu dute berriro, hiru gazte sastakatzeagatik
EITBk baieztatu duenez, 17 urteko gaztea kanporatzeko eskaera egin behar zuen Arabako Aldundiak. Atzo, bertan, epailearen aurrera eraman zuten, eta Eusko Jaurlaritzaren gazteentzako justizia zentro batean sartzea agindu zuen honek.
Pertsona bat hil da Arrasaten, bi ibilgailuren arteko istripu batean
GI-627 errepidean gertatu da ezbeharra, Aretxabaletarako noranzkoan. Errepidea itxita egon da errepidea garbitu bitartean, baina lanak amaitutakoan ireki dute.
Euskararen aldeko lasterketa igande eguerdian helduko da helmugara, Bilbora
2.750 kilometro egin eta lekukoa eskuz esku 3.436 aldiz pasatu ostean, Bizkaiko hiriburua harrapatuko du Korrikak. Bertan jakingo dugu nork idatzi duen 10 egunez lekuko barruan gordeta eraman duten mezua, egileak berak irakurriko baitu. AEKk festa erraldoia prestatu du 24. Korrikari amaiera emateko.
Deabruek sutan jarri dute Korrika Debagoienean barrena
Lekittoko Deabruak kale antzerki taldeak hartu du lekukoa Oñatitik Bergarara bidean, eta hankaz gora jarri dute ibilbidea su eta txinpartekin.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Israelgo taldeen aurkako partidak bertan behera uzteko eskatu du Palestinarekin Elkartasuna plataformak Gasteizen
Ehunka lagun atera dira gaur Gasteizko kaleetara, Baskoniak Hapoel Tel Aviven aurka jokatu beharreko kanporaketa eta apirilaren 7an Maccabiren kontrakoa bertan behera uztea eskatzeko. Palestinarekin Elkartasuna plataformaren arabera, Israel “genozidioa zuritzeko” erabiltzen ari da saskibaloia, eta ez da nahikoa Buesa Arena hustea: Israelekin harreman guztiak etetea aldarrikatu dute, baita kirol arlokoak ere.
Santanderreko pasabidearen egoeraz jakinarazteko abisua jaso zuen 112ko kudeatzailea ikertuko dute
Erabaki horren helburua da langileari defentsarako eskubidea bermatzea, iturri judizialek azaldu dutenez.
Osasun Ministerioak erkidegoekin adostu du bitartekari bat izendatzea medikuen Greba Batzordearekin negoziatzeko
Sindikatuek eta Ministerioak zehaztu eta onartu beharko dute nor izango den bitartekari hori.
Medikuen grebak 300.000 pazienteri eragin die Euskadin, Eusko Jaurlaritzaren arabera
Protestaren ondorioz, gainera, Osakidetzako itxaron-zerrenda kirurgikoa 15 egun luzatu da, 67 egunera arte.