'Deportazioan' laguntzea leporatu dio Salhaketak Gasteizko Udaltzaingoari
Beste herrialde batzuetako pertsonen “erbesteratzean laguntzea” egotzi dio Salhaketa pertsona presoak laguntzeko elkarteak Gasteizko Udaltzaingoari, nahiz eta horretarako eskumenik ez izan. Bizileku-baimenik gabeko pertsonak Espainiako Poliziaren esku uztea leporatu die udaltzainei, nahiz eta “deliturik ez egin”.
12 urte Gasteizen eman dituen marokoar bat iragan ostiralean erbesteratu zutela salatu du Salhaketak agiri batean, Gasteizko Udaltzaingoak identifikatu eta bi egun geroago, hain zuzen ere.
Elkarteak azaldu duenez, nahiz eta pertsona horrek “deliturik ez egin”, udaltzainek Espainiako Poliziaren esku jarri zuten. Betoñoko polizia-etxera eraman zuten, “egozteko agindua iraungitzeko 28 egun falta zirenean”, erantsi duenez.
Salhaketak azpimarratu duenez, deliturik egin ez zuenez, herritarra ez zuten epaitegietara eraman, eta Espainiako Poliziaren Betoñoko polizia-etxean “familiari, abokatuari eta lagunei gezurra esan zieten”; izan ere, pertsona atzerritarrak barneratzeko Madrilgo zentro batera bidean zegoela azaldu zieten.
Gizona Madrilera bidali zuten ostiraleko 03:00ak aldera. Elkarteak adierazi duenez, bide guztia “eskuburdinak jarrita eta ezer edan eta jan barik” egin zuen.
Antza denez, ez zuten atzerritarrak barneratzeko zentrora eraman, Barajaseko aireportura baizik, beste 20 bat pertsonarekin batera deserriratzeko.
Hegaldiak Melillan lur hartu zuen; bertan muga zeharkatu eta Nadorreko (Maroko) polizia-etxera eramateko. “Deportazioa bukatutzat eman zuten” bertan, Salhaketak gaineratu duenez.
Gasteiztik atera eta 16 ordu geroago Marokora heldu zen gizona, “senideek eta lagunek atzerritarrak barneratzeko Madrilgo zentro batean zegoela uste zuten bitartean”.
“Kasualitateetan” sinesten ez duela ziurtatu du Salhaketak. “Madrilgo deportazio hegaldiaren eta Gasteizko udaltzainen artean harreman zuzena” dagoela adierazi du elkarteak.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.