Neska adingabe batek bortxaketa salatu du Donostian
Neska adingabe batek bortxatu egin dutela salatu du gaur goizean, Donostian. Salaketaren ondorioz, hiru gizon gazte atxilotu ditu Udaltzaingoak.
Udaltzaingoak hirurak atxilotu ditu –horietako bi adingabeak dira eta hirugarrenak 20 urte ditu–, bortxaketarekin lotura dutelakoan. Erasoa ostiral goizaldean gertatu da, Donostiako Aste Nagusian, Zurriola hondartzan.
Udaletik EFEri adierazi diotenez, adingabeak salaketa jarri ondoren egin dituzte atxiloketak.
Atxilotuetako bat, 20 urtekoa, aske utzi dute eguerdi aldera, epailearen aurrera eraman gabe. Beste biek, baina, Adingabeen Fiskaltzara eraman dituzte arratsaldean.
Hala, sexu-erasoa eta lapurreta egitea egotzi diete atxilotuei. Horietako batek biktimaren gauza batzuk zeramatzan soinean atxilotu dutenean. Hasiera batean taldekako bortxaketa izan dela zirudien arren, hainbat kontu argitu behar dituzte; hortaz, oraindik ez dakite atxilotu bakoitzak zer egin duen.
Ikerketa sekretupean dago, aipatutako iturriaren arabera.
Eneko Goia Donostiako alkateak goizeko lehen orduan jaso du gertatutakoaren berri, eta Udaleko Bozeramaileen Batzordea deitu du, esku artean zituen datuen berri emateko.
Erasoa gaitzesteko elkarretaratzea
Donostiako mugimendu feministak erasoa gaitzesteko elkarretaratzea deitu du 19:30erako, Donostiako Bulebarrean. Aste Nagusian izandako sexu eraso guztiak salatzeko deitutako elkarretaratzearekin bat egitea erabaki du Donostiako Udalak, eta parte hartzeko deia luzatu die herritarrei.
Erakundeek eta alderdiek erasoa gaitzetsi dute
Donostian izandako bortxaketaren aurrean "gaitzespenik tinkoena" agertu du Donostiako EH Bilduk. Ildo horretatik, erasoa pairatu duen adin txikiko neskatoari bere "babesik eta elkartasunik beroena" adierazi dio "une gogor hauetan". Bide batez, alderdiak publikoki adierazi dio "guk sinesten dizugula".
Hala ere, "zoritxarrez" gertatutakoa ez dela kasu isolatu bat deitoratu du EH Bilduk, eta Aste Nagusia "beltza" izaten ari dela ziurtatu du. Amaitzeko, bat egin du mugimendu feministak deitutako mobilizazioekin, eta bertan parte hartzeko deia egin die herritarrei.
Bestalde, Ezker Anitza-IUk gaur arratsaldeko elkarretaratzean izango dela iragarri du ohar baten bidez. Hala, 2018ko lehen sei hilabeteetan Donostian indarkeria matxistarekin lotutako salaketak % 43 igo direla nabarmendu du alderdiak.
Gipuzkoako Foru Aldundiak, bere aldetik, "gaitzespenik irmoena" adierazi du Donostian salatutako bortxaketaren aurrean, eta erasoa salatzeko gaur egingo duten elkarretaratzearekin bat egin du.
Imanol Lasa foru diputatuaren esanetan, "atxilotutako bi mutikoak adingabeak izateak, zoritxarrez, argi uzten du indarkeria matxistak gure gizartean duen sakontasuna".
Ildo horretatik, "gaur egun osatzen dugun gizartearen hausnarketa sakona" egiteko deia egin die herritarrei, eta pentsaera matxistak gazteengan hainbesteko indarra izateko "zer egiten dugun" galdetu dio bere buruari.
"Gipuzkoa matxismoarekiko zero tolerantzia duen lurraldea" bilakatzeko lanean jarraituko duela esan du Lasak, baina heziketa helburu hori lortzeko ezinbesteko giltzarria dela azpimarratu du.
_________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Hondarribiak II. Berdintasun Plana onartu du, Alardearen “gatazkaren konponbidean” aurrera egiteko neurriak jasota
Abotsanitzek eta EH Bilduk osatutako gobernu-taldeak babesa eman dio planari; EAJk eta PSEk, berriz, kontra bozkatu dute, emakumeen elkarte bat “baztertu” dela iritzita.
COIk debekatu egin die trans emakumeei emakumeen kategorietan lehiatzea
SRY genearen detekzioan oinarritutako neurria 2028an sartuko da indarrean Los Angelesen, atzerako eraginik gabe.
Nor da Bermeoko portuko argazkiko neska? Hibai Agorria argazkilariak Madrilen aurkitu du erantzuna
Madrilgo zakarrontzi batean agertutako argazki negatibo batzuek Urdaibai, Elorrio eta Madril arteko istorio eder bat berreskuratzea ahalbidetu dute.
Osakidetzak pertsona transexualentzako lehen mailako arreta zerbitzuak zabalduko ditu EAEko hiru hiriburuetan
Gauzak ondo bidean, maiatzetik aurrera jarriko da abian zerbitzua. Osakidetzaren zuzendariak adierazi duenez, helburua da pertsona transexualei errespetuzko eta gertuagoko arreta ematea.
Legebiltzarrak onartu egin du udalekuetan adin txikikoen babesa indartzeko Legea izapidetzea
EH Bilduk eta Sumarrek, neurriak babestu arren, prozedura kritikatu dute, eta PPk eta Voxek erreforma egitea "zuriketa hutsa" dela esan dute.
Noelia eutanasia eskatu zuen Bartzelonako gazteak gaur jasoko du, epaileak onartu ostean
25 urteko emakumeak bere erabakiari eutsi dio, nahiz eta aita aurka agertu, Espainian legezko bide guztiak agortuta eta Giza Eskubideen Europako Auzitegira jota.
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrak mendeko egiten dituzten eta osasungaitzak diren produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, eta Alardearen auzia bideratzeko neurriak jasoko ditu
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.