Abuztuaren 25erako manifestazioa deitu dute Maravillas gaztetxeko gazteek
Maravillas gaztetxea birokupatu duten gazteek Nafarroako Gobernuari leporatu diote auziaren korapilatzea eta erantzukizuna, eta atzo Maria Solana Gobernuko bozeramaileak hala esan bazuen ere, arazoa ez dela Iruñeko Udalarena azpimarratu dute komunikabideen aurrean emandako prentsaurrekoan.
Eguerdian egin dute agerraldia Iruñean, Marques de Rozalejo Jauregian. Prentsaurrekoa ematen zuten pertsonen atzean, dozenaka lagun babesa ematen, datorren larunbaterako manifestazio deialdia zeramaten kartelak eskutan.
Atzo goizaldeko kanporatzean izan ziren istiluen arduradun jo dituzte Nafarroako Gobernua eta Geroa Bai alderdia, baina hala ere, elkarrizketarako eta arazoari konponbidea emateko deia egin diote Uxue Barkosen Gobernuari.
"Inoiz baino indartsuago" daudela esan dute gazteek eta proiektua "geldiezina" dela.
Zaintza gauean
Hainbat gazte berriro sartu ziren atzo arratsaldean Iruñeko Rozalejoko Markesaren jauregian, Maravillas gaztetxean, alegia, goizaldean Poliziak hustu eta gero; "Maravillas aurrera" oihukatuz.
Kaleratzearen kontrako kalejira-protestaren ondoren sartu ziren eraikinera eta gaua bertan eman dute hainbat pertsonak. Kalean, berriz, beste hainbat lagun egon dira "zaintza lanetan". Mugimenduko kide batek Euskadi Irratian adierazi duenez, "gaua lasaia izan da. Ez da poliziaren presentziarik izan eta aldiz, jende asko hurbildu da bertara, bai barrura bai kanpora, zaintzera. Tartean, Euskal Herriko beste puntu batzuetatik etorritakoak".
Eraikina berriz ere husteko arriskuaren aurrean, Maravillas Gaztetxearen zaintza eta erresistentzia txandei berrekin diete bertako gazteek, eta gaur ere zaintza lanetan ari dira.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.