Maravillas gaztetxea ez dute hustuko, Gobernuak bere eskaria erretiratu ostean
Marques de Rozalejo jauregiaren okupazioagatik irekitako auzi judiziala artxibatzea agindu du Iruñeko Instrukziozko 4. Epaitegiak, eraikina husteko agindua bertan behera uzteko Nafarroako Gobernuak berak eskatu ostean, horrek dakarrelako, epailearen arabera, Foru Gobernuak okupazioa onartu zuela. Horren ondorioz, epaileak ebatzi du jazotakoa ezin dela delitutzat jo.
Abuztuaren 16ko epai batek agindu zuen Nafarroako Gobernuari eraikinaren jabetza itzultzea, Nafarroako Foruzaingoaren txostena kontuan hartuta. Horren arabera, okupatzaileek eraikina egokitzeko lanak egin zituzten, "zaintza teknikorik gabe", eta horrek "hainbat arrisku zekarren, besteak beste, sute-arriskua".
Iruñeko Instrukziozko 4. Epaitegiaren ebazpenaren arabera, neurri horren aurkako borondatea erakutsi zuen Nafarroako Gobernuko Presidentetzarako kontseilari ordezkariak idazki batean. Ondorioz, epailearen hitzetan, "beste pertsona batzuk eraikin hori erabili izana ez doa jabearen borondatearen aurka". Epailearen aburuz, eraikinaren jabeak baimendu ez dituen erabilerekin edo pertsonekin lotura dauka okupazioak.
Gaztetxea kudeatzen duten gazteek, hain zuzen, prentsaurrekoa eskaini dute jauregiaren hustea salatzeko. Atzo goizaldeko kanporatzean izan ziren istiluen arduradun jo dituzte Nafarroako Gobernua eta Geroa Bai alderdia, baina hala ere, elkarrizketarako eta arazoari konponbidea emateko deia egin diote Uxue Barkosen Gobernuari. "Inoiz baino indartsuago" daudela esan dute gazteek eta proiektua "geldiezina" dela.
Foru Gobernuaren erantzuna
Nafarroako Gobernuko bozeramailea den Maria Solanak prentsaurrekoa eskaini du horren inguruan mintzatzeko eta iragarri duenez, Foru Gobernuak ez dio uko egingo jauregiaren titulartasuna defendatzeari, baina izandako egoeraren "larritasuna" ikusita, erabaki dute eraikina husteko agindua baliogabetzea, "zuhurrena delakoan".
Kaleratze-eskari hori bertan behera uztea "aldebakarreko erabakiaren ondorioa" izan da, Solanak argitu duenez, eta gobernu-bazkideekin gaur goizeko bileran izandako "sintonia falta" azpimarratu du.
Maria Solana, Nafarroako Gobernuko bozeramailea. Argazkia: EFE
Solanak azaldu du erabaki hori hartu dutela "interes orokorren defentsan, ondasun baten titulartasun publikoaren defentsaren gainetik herritarren segurtasunarena lehenetsi dugulako".
Dena dela, Nafarroako Gobernuko bozeramaileak argitu du horrek ez duela esan nahi "inolaz ere ondasun baten titulartasun publikoaren defentsari uko egiten" diotenik. Gainera, gaztetxearen kaleratzea defendatu du, esanez ez zela "errore bat izan", eta horretarako "bitartekoak" erabili izana zauritu du.
Oposizioaren kritikak
Bestalde, Javier Esparza UPNko presidenteak auziaren artxibatzea deitoratu du, eta "Araizen xantaiari eta mehatxuari men egin izana" leporatu dio Uxue Barkos Nafarroako presidenteari.
Zentzu berean mintzatu da Ana Beltran PPNko presidentea, esanez "onartezina" dela Marques de Rozalejo jauregiaren "legez kanpoko okupazioa".
Podemos Ahal Duguk, ordea, Maravillas gaztetxeko asanbleari Parlamentura joateko eskatu dio, haien proiektua azaldu eta herritarrekin elkarbanatzeko.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.