Euskadi Gaztela-Mantxan kokatzen zuten 23.000 turismo gida erretiratu dituzte
23.000 turismo liburuxka zirkulaziotik kendu behar izan ditu Eusko Jaurlaritzak; horietako batzuk turismo-bulegoetan banatu zituzten dagoeneko. Argitalpenean, Europako mapa batean, Euskadi geografikoki Gaztela-Mantxako lurraldearen barruan kokatzen dute.
Liburuxkaren kontrazalean bi mapa agertzen dira. Goialdean Euskadiren mapa agertzen da hiru hiriburuetako izenekin. Behealdean beste mapa batek Europako zati bat nabarmentzen du, eta puntu gorri batekin Euskadi Espainiako Estatuan non kokatzen den azaltzen du. Puntu hori Gaztela-Mantxan dago.
Hanka-sartzearen berria sare sozialetan berehala zabaldu da, eta adierazpen eta txantxa ugariren jomuga izan da: “Eusko Jaurlaritzaren turismo gida batek Euskadi Cuencara begira jarri du”, “Euskal herritarrek Euskadi nahi dugun tokian kokatzen dugu”, “Cuenca ere Euskadi dela ez da izango?”…
EH Bildu koalizioak ere okerra aprobetxatu du txio batean: “Ez da hain arraroa! Jaurlaritzak nora doan ere ez badaki, nola jakingo du non dagoen!”.
Alfredo Retortillo sozialistak zuzendutako Turismo Sailak hanka-sartzea onartu du, baina Sailaren erantzukizuna ez dela azpimarratu du.
Bell enpresak Sailarentzako egin zuen diseinua “guztiz zuzena” zela azaldu du Exekutiboak. Ondoren Eusko Jaurlaritzaren argitalpen zerbitzura bidali zuten.
“Ondorioz, okerra fotokonposizio eta inprimatze prozesuan egin behar izan du zerbitzuak”, azpimarratu du Turismo Sailak.
Guztira, 23.000 gida inprimatu zituzten hanka-sartzearekin, konkretuki ingelesez. Gainerako hizkuntzetan argitaratutakoetan Euskadiren kokapena zuzena da, iturriek baieztatu dutenez.
23.000 liburuxketatik 18.000 oraindik ez ziren banatu eta biltegi batean zeuden. Bitartean, gainerakoak turismo-bulego sarean banatu ziren, ondoren azoketan eta Euskadiren sustapenerako ekitaldietan erabiltzeko.
Liburuxkaren bat hanka-sartze horrekin Euskaditik kanpo banatu ote den ez dakitela ziurtatu du Sailak.
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.