Lan Eskaintza Publikoetako deialdiak etengabe zabalik egotea proposatu du Osakidetzak
Osakidetzan lan egitera sartuko diren profesionalen hautaketa hobetzeko 68 neurri jaso ditu azterlan batek; besteak beste, egungo lan eskaintza publikoak etengabe zabalik dauden deialdien sistema bilakatzea.
Txostenak epaimahaikideen kopurua murriztea eta beren profesionaltasuna, objektibotasuna eta inpartzialtasuna sendotzea proposatzen du, baita jokabide-kodea ezartzea eta epaimahaikideak horri nahitaez atxiki behar izatea. Gainera, ariketak prestatzean eta horien ebaluazioan segurtasun-neurriak sendotzea proposatzen du.
Jon Darpon Osasun sailburuak Rafael Jimenez Asensio adituaren txostena aurkeztu du astelehen honetan, Legebiltzarreko taldeen eta LEPen inplikatuta dauden eragileen artean hausnarketa egiteko eta iritziak elkarrekin trukatzeko proposamen eta gomendio irekien lehen oinarri gisa.
Osakidetzako lan eskaintza publikoaren hainbat azterketatan izandako irregulartasunen harira aurkeztutako salaketen ostean aurkeztu dute txostena; Osakidetzako hautaprobetara 72.500 lagun aurkeztu ziren.
Osakidetzan langileak hautatzeko sistema hori 80ko hamarkadatik erabiltzen da, eta berriro zehaztu eta batera hausnartu behar dela esan du Darponek.
Bestalde, Rafael Jimenez Asensio txostengilearen esanetan, LEP horiek "ez lirateke modu hain masiboan egingo, jarraian baizik, langileen beharrizanen plangintza estrategikoari erantzuteko, eta, hautaketa-probak beteko dituzten postuei dagozkien gaitasunetara egokituta".
"Datozen urteotan batik bat Osakidetzako langile fakultatibo eta tekniko guztien belaunaldi-erreleboa egitea lortzeko erronka dugu aurrez aurre, eta, horretarako, gure osasun-zentroetako arretan kalitateko estandar altuei eustekoa", esan du.
Jimenez Asensioren hitzetan, egungo hautaketa-prozesuen araudi-esparruak nahiko tresna eskaintzen ditu egungo hautaketa-prozesua erreformatzeko, baina erreforma puntualak sartu beharko lirateke eduki batzuk malgutzeko.
Horrela, esaterako, langile fakultatibo espezialista medikoak hautatzeko probak direla eta, txostenak proposatzen du ezagutzak eta lan-esperientzia baino gehiago balioestea. Izan ere, kasu askotan, zaila izaten da hautagaien artean ezagutzan dauden alde esanguratsuak identifikatzea, guztiek egin baitituzte 10 urtetik gorako prestakuntza-aldiak; bestalde, lan-esperientzia ez da bakarrik lan egindako denboratzat jo behar, eta beste alderdi batzuk kontuan hartzea proposatzen du.
Bestalde, Maria Jesus Mugica Osakidetzako zuzendari nagusiak hiru hileko epean Giza Baliabideen Zuzendaritza birdiseinatzeko hartu duen erabakia iragarri du; horretarako, langileak hornitzeaz eta hautatzeaz bakarrik arduratuko den arlo berria izango du.
"Gure erakundeak 26.497 profesional ditu, eta eman nahi diogun ikuspegi berria dela eta, langile-hautaketaren arloan egiturek profesionalizazio handiagoa beharko dute", esan du.
Maria Jesus Mugicak iragarri bezala, pertsonak eta probak hautatzeko eta ebaluatzeko profil tekniko-profesional aditu berriak sartu beharko dira, talde horrek HAEErekin koordinazioan eta, besteak beste, Euskal Herriko Unibertsitateko adituen edo beste eragile batzuen aholkularitzarekin egingo luke lan.
Albiste gehiago gizartea
10.000 pertsona etxetik atera behar izan dira Estatuan suteengatik; Zamora, Leon eta Ourense kiskaltzen ari dira
Hogeita hamar bat sute aktibo daude, horietatik 14 larriak, eta zortzi autonomia erkidego alertan daude sugarrengatik. Molezuelas de la Carballedako sutea Estatuan erregistratutako handiena izan daiteke datuak daudenetik.
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.