Kirolean sexu abusua jasaten duten umeentzako arreta zerbitzua ezarri du Jaurlaritzak
Kirolean sexu abusua jasaten duten biktimei aholku emateko zerbitzu berezitua jarri du martxan Eusko Jaurlaritzak, "identifikatu" eta "onartu" beharreko "ezkutuko arazo dramatikoa" delako, eta berori saihesteko neurriak hartu behar direlako.
Bingen Zupiria Kultur eta Hizkuntz Politiketako sailburuak, Olatz Legarza Basque Team koordinatzailearekin eta Izaskun Landaida Emakundeko zuzendarirekin batera, aurkeztu du zerbitzua, Haurren kontrako Gehiegikeria eta Tratu Txarren Prebentziorako Munduko Egunaren kariaz.
Aurkezpenean aurreratu dute berdintasun arloan aditua den lagun-talde batek biktimen zalantzak eta abusu salaketak aztertuko dituela, astelehenetik ostiralera. Azken batean, informazio eta aholkularitza zerbitzua izango da aipatutakoa.
Gazteei, federakundeei eta kirol talde eta erakundeei ere egongo da zuzenduta zerbitzua. Gainera, telefonoz eta Whatsapp bidez ez ezik, posta elektronikoz ere jasoko dute arreta bertara jotzen dutenek. Beharrezkotzat jo ezkero, aurrez aurreko arreta ere jasoko dute, betiere, biktimaren intimitate-eskubidea babestuta.
Aholkularitza zerbitzuaren helburua da gazteei laguntza eta informazioa ematea. Gainera, aurrez aurreko aholkularitzaren bidez, egokien artatuko dituzten lekuetara bideratuko dituzte biktimak.
"Zure taldekoak gara" leloari eutsita, kanpaina ere abiatu dute gaur bertan. Triptiko baten bidez informazioa eman dute, eta horrekin batera bideo bat zabaldu dute, zeinetan Basque Team Fundazioko zenbait kirolarik abusu izan litezkeen hainbat adibide ematen dituzten. Halaber, zerbitzu berri hori erabiltzera animatzen dituzte gazteak.
Adibideen artean ondorengoak aipatu dituzte: umiliazio egoerak, pertsona helduak biluzik dauden kirolarien aldageletara baimenik gabe sartzea eta kirolariei, sexu mesedeen truke, abantailak edo tratu hobea eskaintzea.
Zure interesekoa izan daiteke
Gizon bat atxilotu dute Arrasateko ikasle-egoitza batean emakume bati sexu-erasoa egitea leporatuta
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak deitu ditu eguerdiko 12:00etarako, unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.