Berasateguik historia egin du 10. Michelin izarra lortuta
Martin Berasategui sukaldari gipuzkoarrak Michelin Gidako bi izar berri jaso ditu gaur, bat Donostiako eMe Be Garrote jatetxearentzako eta beste bat Bartzelonako Oriarentzat. Horrela, hamar izar bildu ditu dagoeneko. Bitartean, Eneko Atxak bere bosgarren izarra erdietsi du, aurrenekoa lortu baitu Eneko Bilbao jatetxeak.
Espainia eta Portugal Michelin Gida 2019 iragarri dute gaur Lisboan. Berasateguiren bi proiektuek aurreneko izarrak lortu dituzte, eta Eneko Atxak gauza bera egin du Eneko Bilbaorekin, Euskalduna Jauregiko jatetxearekin.
Bestalde, Urdaitzeko (Nafarroa) Molino de Urdaniz jatetxeak bi izar ditu dagoeneko.
Gainera, Bizkaiko beste jatetxe bati, Etxanobe Atelier (Bilbo) lokalari izar bat eman diote, “harritzeko asmo” eta bere sormenagatik. Gasteizko Zaldiaran jatetxeak, aldiz, bere izarra galdu du.
Espainiak hiru izarreko beste sukaldari bat du: Dani Garcia (Marbella, Malaga). Gidak lau jatetxeri bigarren izarra eman die, eta aurrenekoa beste 25i.
Gwendal Poullennec Michelin Gidaren nazioarteko zuzendariak irabazleen zerrenda iragarri du. Argazkia: EFE
Bartzelonako Cocina Hermanos Torres Sergio eta Javier bikien jatetxeak bi izar lortu ditu, Dos Cielos itxi ondoren. Valentziako Ricard Camarena Restaurantek eta Lisboako Alma jatetxeak ere bi izar dituzte.
25 jatetxek lehen izarra lortu dute Madrilen (bost), Andaluzian, Katalunian, Valentzian, Euskadin, Gaztela-Mantxan, Gaztela eta Leonen, Galizian, Errioxan eta Aragoin, baita Sintran, Bragancan eta Guimaraesen (Portugal) ere. Guztira, 190 jatetxek erdietsi dute aurreneko izarra.
Nahiz eta hiruko izar berri bat izan, Espainiak hamaika jatetxe mantentzen ditu maila horretan; izan ere, Carme Ruscalledak Sant Pau (Bartzelona) itxi egin zuen iragan urrian.
Era berean, Arzak, Akelarre, Martin Berasategui eta Azurmendik zerrenda horretan jarraitzen dute.
Zure interesekoa izan daiteke
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.