Maialen Mazonen hilketaren instrukzioa amaituta, 45 urteko espetxe-zigorra eskatu dute akusatuarentzat
Gasteizen zein euskal gizartean, oro har, hotzikara eragin zuen 2023an kasuak. Haurdun zegoela, 13 labankadaz hil zuen ustez bikotekide ohiak Maialen, 2 urteko alabaren aurrean. Laster aukeratuko da epaimahaia, eta, ondoren, epaiketa 2026ko lehen sehilekoan egiteko data ezarriko da. Kasuak ezbaian jarri zuen Ertzaintzaren indarkeria matxistaren inguruko protokoloa.
2023an Gasteizen, Maialen Mazonen hilketa gaitzesteko elkarretaratze baten artxiboko irudia. Argazkia: EFE
Gasteizko Emakumeen aurkako Indarkeriaren arloko Epaitegiko titularrak amaitu du Maialen Mazonen hilketaren kasuaren instrukzioa. 2023ko maiatzaren 27an, labankaz hil zuen ustez bikotekide ohiak 33 urteko neska gasteiztarra, Arabako hiriburuko apartahotel batean.
Biktima bikiez haurdun zegoen erailketaren unean, eta erasoa bi urteko alabaren aurrean gertatu zen. Haurtxoa 18 orduz bakarrik egon zen gorpuaren ondoan.
Bere ustezko hiltzailea, Jaime Roca, 33 urteko valentziarra, Zaragozako ordainleku batean atxilotu zuten hurrengo egunean, taxian Valentziara ihes egiten saiatzen ari zela.
Bere garaian, saminaz gain, polemika handia eragin zuen kasuak Ertzaintzak tratu txarrak jasaten dituzten emakumeak babesteko darabilen protokoloaren akatsak agerian utzi zituenean. Izan ere, Maialen "muturreko arriskuzko" biktima gisa agertzen zen VioGen sisteman, eta Euskadin, berriz, "arrisku txikian" jo zen.
Cecilia Piris Clara Campoamor elkarteko abokatuak Radio Euskadin adierazi duenez, "hori Ertzaintzaren akats izugarria izan zen emakume horri arreta ematerako orduan". Hain zuzen ere, kasu honen ostean zuzendu zen protokoloa: "orain Euskadin sartuko balitz, kanpoko poliziarengandik datorren arrisku-balorazioa jasoko luke, eta, beraz, Maialen kanpotik oso arrisku-kalifikazio handiarekin etorri eta hemen jaistea ez litzateke gertatuko", azaldu du.
Fiskaltzak eta herri akusazioak zigorrik handiena eskatu dute Maialenen bikotekide ohiarentzat, 45 urteko kartzela-zigorra. Pirisek adierazi duenez, "ez dugu gehiago eskatu, Zigor Kodeak uzten ez digulako, 25 urte Maialenen hilketagatik lirateke, 8 urte abortu bakoitzagatik, eta beste 4 urte adingabea abandonatzeagatik".
Kasuaren instrukzioa amaituta, epaimahaia aukeratzea izango da hurrengoa, eta, ondoren, epaiketaren data zehaztuko da, datorren urteko lehen seihilekoan egiteko.
----------------------------------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.