EAEko eskolen ia erdiek ez dute berdintasuna urteko programazioan sartzen
Euskal Autonomia Erkidegoko (EAE) eskolen % 90k hezkidetzarekin, berdintasunarekin eta indarkeria matxistarekin lotutako gaiak lantzen dituzte, baina % 47k ez dute gaia euren urteko programazioan sartzen.
Cristina Uriarte Hezkuntza sailburuak eta Maite Alonso sailburuordeak atzo Legebiltzarreko batzordean emandako datuak dira honakoak, Elkarrekin Podemosek egindako galdera bati erantzunez.
Hezkuntza sisteman Hezkidetza, Berdintasuna eta Indarkeria matxistaren prebentziorako I. Planaren (2013-2017) balantzea egin dute Uriartek eta Alonsok, baita II. Planaren zirriborroa aurkeztu ere.
Alonsok azaldu duenez, planaren ebaluazioa egiteko 216 ikastetxe hartu dituzte kontuan. Horietatik % 83 hezkidetzarekin eta berdintasunaren lotutako proiektuetan murgilduta daude. Hortaz, %17k ez dute inongo proiektutan parte hartzen.
Gaia lantzen badute ere, eskolen ia erdiek ez dute urteko programazioan sartzen. Alonsoren esanetan, II. Planari begira "hobetu beharreko" kontua da.
Horren ildoan, irakasleria trebatu behar dela azpimarratu du, eta orain arte 200 eskola publikotan eta itunpeko 84tan (% 24,5) formazioa eman dutela azaldu du.
LGTBI kolektiboko hiru ikasleri jazarpena
II. Planari begira honakoa da helburuetako bat: ikastetxe guztietan, proiektuetan murgilduta egon ala ez, genero indarkeriari aurrea hartzeko neurriak hartzea. Bestalde, LGTBI kolektiborekiko diskriminazioaren prebentzioa lantzea eskatuko dute. Horren harira, Alonsok esan du 2017-2018 urteen artean kolektibo horren kontrako hiru kasu atzeman dituztela; "hirurak, gaur egun, kontrolpean daude", zehaztu du.
Alonsoren ahotan, mota horretako jazarpenak "ikusezinak izan ohi dira". Hortaz, irakasleria trebatzeko beharra nabarmendu du, garaiz atzemateko.
Zure interesekoa izan daiteke
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.