Hasi da Gabonetako loteriaren zozketa
Gabonetako loteriak 2.380 milioi euro banatuko ditu gaur, abenduak 22, saritan, iazko kopuru berbera. Sari nagusia lortzen dutenek 400.000 euro jasoko dituzte dezimo bakoitzeko. Guztira, 680 milioi euro bideratuko dituzte sari nagusira.
Bigarren sariak, berriz, 1,25 milioi euro banatuko ditu, alegia, 125.000 euro dezimoko, eta hirugarrenak 500.000 euro (50.000 euro dezimoko). Gainera, iaz bezala, bi laugarren sari egongo dira jokoan, 200.000 eurokoak (20.000 euro dezimo bakoitzeko), eta bosgarren sariak zortzi izango dira, 60.000 eurokoak (6.000 euro dezimoko).
Bestalde, 1.794 zenbakik dezimoko 100 euroko saria jasoko dute. Halaber, sari nagusiaren aurreko eta ondorengo zenbakiak 20.000 eurorekin sarituko dituzte; bigarren sariaren aurreko eta ondorengo zenbakiak, 12.500 eurorekin, eta hirugarren saritik gertuen dauden zenbakiak, 9.600 eurorekin.
Aurreikuspenen arabera, nafarrek batez beste 54,9 euro gastatuko dituzte Gabonetako loterian, eta bizkaitarrek, gipuzkoarrek eta arabarrek 76,44 euro.
Ogasunari, zenbat?
Loteriaren gaineko zergak ezartzeko irizpideak aldatu egin dira aurten: 10.000 eurora arteko sariek ez dute Ogasunaren atxikipenik izango. Orain arte, 2.500 euroan zegoen langa ezarrita; kopuru horretatik gorako sari guztien % 20 Ogasunak hartzen zuen.
Datozen bi urteotan handitu egingo da zerga ordaintzetik salbuetsita dagoen gutxieneko kopurua; 2019an 20.000 euro arteko sariak osorik poltsikoratuko dituzte irabazleek, eta 2020an 40.000 euro artekoak.
Adibidez, aurten, sari nagusia egokituz gero, 20 euroko dezimo baten truke 400.000 euro jasoko ditu irabazleak. Kopuru horretatik 78.000 euro Ogasunak eramango ditu. Beraz, sari potoloa jasotzen duenak 322.000 euro eskuratuko ditu.
Sari nagusia egokitzeko aukera, zenbatekoa?
Herritarrek diru asko jokatzen duten arren, atzera bueltan zentimo bakar bat ere ez berreskuratzeko aukera oso handia da, % 86koa. Sari nagusia egokitzeko aukera, berriz, hutsaren hurrengoa, % 0,00001ekoa.
Erregetako loterian askoz diru gutxiago jokatzen dute herritarrek, zozketa horretako saria nagusia egokitzeko aukera handiagoa bada ere, % 7,82koa.
Nola bizi dute loteria-saltzaileek Gabonetako loteria?
Gabonetako zozketaren aurreko egunetan, ilara luzeak aurki daitezke loteria-administrazioetako sarreretan. Loteria-saltzaile bakoitzak bere modura pasatzen ditu salmenta ugariko egun horiek, baina bizipen batzuk ohikoak dira. Horietako batzuk bildu ditu eitb.eus-ek albiste honetan.
Zozketa, zuzenean
Zuzenean eskainiko du eitb.eus-ek zozketa, eta erabiltzaileek euren zenbakiek saririk izan duten begiratzeko aukera izango dute atari honetan martxan egongo den bilatzailean.
Albiste gehiago gizartea
Olatuen ikuskizunak dozenaka pertsona erakarri ditu Donostiako Pasealeku Berrira
Euskalmetek abisu horia ezarri du gaur itsasaldeko arriskuagatik. Ondorioz, Donostiako Udalak itxi egin du Santa Klara uhartea, eta debekatu egin die ibilgailuei Pasealeku Berrira sartzea. Hala ere, donostiar eta bisitari askok olatuen ikuskizunaz gozatu nahi izan dute, eta bat baino gehiago goitik behera bustita joan da etxera.
Gizon bat atxilotu dute Gasteizen bikotekideari erasotzea egotzita
Ustezko erasotzaileak kaletik jarraitu zion emakumeari, eta hainbat herritarrek babestu behar izan zuten, Udaltzaingoa iritsi zen arte.
Nafarroak 118 adingabe hartuko ditu urtebeteko epean, dagoeneko "tentsionatuta" dagoen erkidegoa bada ere
Ministroen Kontseiluak onartutako dekretuak ezarri du 100.000 biztanleko 32,6 adingabe artatuko dituztela. Euskadik eta Kataluniak ez lukete harrerako gazterik hartu beharko, orain arte "egindako ahaleginagatik".
Osakidetzak itzultzaile neuronal bat erabiliko du euskaraz egindako kontsulten informazio idatzia gaztelaniara itzultzeko
Tresna horri esker, profesionalek informazioa euskaraz sartu ahal izango dute pazienteen historialean, eta elebidunak ez direnek "interpretazio arazorik gabe" eskuratu ahal izango dute.
Galizian 95.000 hektarea baino gehiago kiskali dira dagoeneko, abuztuan izandako baso-suteetan
Galizian 95.000 hektarea baino gehiago erre dira, baso-suteetan udan. Orain, 20 hektareatik gorako hiru sute aktibo geratzen dira: bi, Ourensen, eta bat, Lugon.
Donostiako Udalak 220 tona harri kendu ditu gaur goizaldean Ondarretako hondartzatik
Donostiako Udalak 220 tona harri kendu ditu gaur goizaldean Ondarretako hondartzatik. Operatiboa berriro errepikatuko da gaur, astearte gauetik asteazken goizaldera arte.
Raul Incertis, medikua Gazan: "Bonbardaketek agerian uzten dute Israel genozidioa egiten ari dela"
Raul Incertis larrialdietako mediku eta anestesistak duela hilabete arte Israelek bonbardatu duen ospitalean egin du lan. Bertan zela, seitan bonbardatu zuten erietxea, baina gaurkoa izan da erasorik hilgarriena. Berarekin hitz egiteko aukera izan dugu.
Eguraldiak baso-suteak itzaltzeko lanak zaildu ditu berriro Zamora eta Leonen
Arriskuak muturrekoa izaten jarraitzen du, eta arrisku-maila ez da jaitsiko ostegunera edo ostiralera arte. Hori dela eta, arreta handiz jarraitzeko deia egin dute agintariek.
Txirrindulari bat hil da Mendiben izandako istripu batean
29 urteko txirrindularia 60 metroko amildegi batetik erori da Burdinkurutzetako mendatearen jaitsieran.
Bost urtetik gorako espetxe zigorra ezarri diote gizon bati bikotekideari sexu-abusuak egiteagatik, Gipuzkoan
Fiskaltzak 16 urte baino gehiagoko zigorrak eskatu zituen, baina, epaiaren arabera, biktimak ez zuen "behar bezala egiaztatu" sexu-harremanak ez zituela nahi adierazi izana.