Euskal Herriko zerua zeharkatu du meteorito ikusgarri batek
Ezusteko latza hartu zuten atzo hainbat herritarrek, 22:00ak pasata, zeruan distira handia zuen bola bat abiadan pasatzen ikusitakoan. Harridura eta asaldura ere ziztu bizian zabaldu ziren sare sozialetan.
Zer izan da? Ikusi al duzue? Eta antzeko galderak egiten zituen jendeak Twitterren, adibidez, eta #meteorito traolak indarra hartu zuen berehala. Lekukoek suzko bola bat ikusi eta haren leherketa entzun zutela kontatzen hasi ziren; Hego Euskal Herriko lurralde guztietan utzi zuen arrastoa meteoritoak, baina batez ere, Gipuzkoan eta Nafarroan ikusi zen argien; Beasain, Lazkao, Legazpi, Zumarraga, Zumaia, Lekunberri, Etxarri-Aranatz, Iruñea, Barañain, Beriain, Sarriguren, Lizarra, Burlata, Mutilva, Berrisuso, Peralta, Cadreita ... eta Bizkaian ere, eman zuen zeresana; Bilbon, Leioan, Sopelan ... Leku askotatik ikusi zuten fenomenoa.
Argi ikusgarri bat deskribatu zuten guztiek, tximista baten antzekoa batzuek, eta izar izugarri baten antzekoa beste batzuek, izugarri deigarria guztientzat; eta zarata handi bat ere bai, Iruñea ingurukoek zein goierritarrek:
Mezuek indarra hartu eta gutxira, bolidoaren (suzko bola baten itxura eta distira handia zuten meteoritoei antzina ematen zieten izena) teoria egiaztatu zuen baieztapena etorri zen. Nafarroako Unibertsitate Publikoaren kamera batek bolidoa erretratatu zuen Iruñea gainean:
Antza denez, Iberiar penintsularen iparralde osoa zeharkatu zuen bart meteorito horrek: Asturiastik Tarragonara arte jaso dira lekukotzak. Argi urdin-berde distiratsu berdina ikusi dute denek, baina leherketa, antza denez, gurean entzun da, batez ere.
Gauzak honela, Iruñeko Planetarioak formulario bat jarri du herritarren eskura, lekukotza zein irudi grafikoak biltzeko eta erregistroa eguneratzeko: Bolidoen erregistro inprimakia.
Javier Armentia Planetarioko zuzendariak komunikabideei azaldu dienez, bolidoa atmosferara izugarrizko abiaduran sartzen den elementu solidoa da eta airearekin duen kontaktu bortitzagatik sortzen du distira edo argi ikusgarri hori. Askotan lurretik oso gertu igarotzen ari dela ematen omen du, baina benetan, 70-100 kilometroko altueran pasatzen da, segundoko 20 kilometroko abiaduran. "Artizarrak baino argi gehiago eragin du, beraz, bolido bat izan da" azaldu du Miren Karmele Gomez Iruñeko Planetarioko izar eskolako arduradunak Euskadi Irratian.
Iruñea aldean lehertu zen bolidoa eta "su artifizial antzekoa" iruditu zitzaien amaiera hori Euskadi Irratiko entzule askori. Armentiak kontatu duenez, jada antolatu dira hainbat lagun Nafarroa erdialdean bolidoaren zatiak aurkitzera joateko. Zaila izango den arren, oso garrantzitsua litzateke zatiren bat auekitzea, espaziotik datorren materiala izaki, oso interesgarriak baitira zientzialarientzat.
Gogoan izan behar da hilabete honetarako izar-jasa bat zegoela iragarria: geminidak, hain zuzen ere. Abenduaren 4tik 17ra bitartean egon dira ikusgai eta batzuk uste dute horietakoren bat izan zela atzo gauekoa.
Fenomeno polita izan da, azkenean, eta oporretarako bilaketa-plana ere sortu die batzuei. Hala, bart Euskal Herritik igaro zen meteoritoa anekdota positiboan geratu da, eta ez duela ondorio txarrik utzi. Ez du zerikusirik izan 2013an Errusiatik iritsi ziren irudi hauekin: Meteorito bat lehertu eta 1000 pertsona inguru zauritu ziren Ural mendien inguruetan.
CONTENIDO NO ENCONTRADO
Albiste gehiago gizartea
Bilboko Konpatsek eraso sexisten aurkako elkarretaratzea egin dute
Arriaga Antzokiaren aurrean egindako elkarretaratze jendetsu batean, Bilboko Konpartsek azken egunetan izandako eraso sexisten aurka egin dute. Aste Nagusiaz gozatzeko gonbitea luzatu diete herritarrei, baina erasotzaileei etxean geratzeko eskatu diete.
Antonio Aretxabala, geologoa: "Mendia ustiatzen duen jendeak zaindu behar du"
Antonio Aretxabala geologoak adierazi du bereizi egin behar direla basoa ekosistema gisa eta mendia industria-ustiapen gisa, hortxe baitago arriskua. Ohartarazi du hurrengo uholdeak okerragoak izango direla inguruan, lurra higatuta dagoelako. Ohartarazi du, gainera, norbaitek baso-sute batetik onura ateratzea arriskutsua dela.
Txupinerek ere egun handia dute Aste Nagusian!
Bilboko Aste Nagusiko txupinerak gaur eguerdian bildu dira, urtero bezala, Areatzako ohiko ongietorria egiteko. Guztiek txupinak bota dituzte berriro, euren uniformea jantzita, Malu Crespok duela 40 urte jantzi zuen jaka gorri tipikoarekin.
Gizon bat atxilotu dute Gasteizen, bikotekidea etxeko hozkailuaren kontra bultzatu eta mugikorra botatzeagatik
Eraso matxista asteazken arratsaldean jazo zen, Pilar auzoko etxe batean. Emakumeak hematoma bat zuen aurpegian.
Carlos Uriagereka (Bizkaiko Baso Zerbitzua): “Suteen mehatxupean zegoen herri bat salbatzeko aukera izan dugu”
Bizkaitar profesional ugari izan dira Leongo Casasuertes herrian, astelehenetik Gaztela eta Leonen penintsulako ipar-mendebaldea kiskaltzen duten suteak itzaltzen laguntzen. Carlos Uriagereka, Bizkaiko Aldundiko Baso Zerbitzuaren buruak adierazi du gogorra izan dela, baina pozik itzuli direla Euskal Herrira, lortu dutelako suebakiak eginez sutea kontrolatu eta bizilagunak etxera itzultzea.
Rozalen musikariak liluratu egin ditu Bilbon bildutako zaleak
Albaceteko artistak kontzertua egin du, bart, Europa Parkeko eszenatokian.
Gizon bat ikerketapean, autoa mozkor eta gidabaimenik gabe gidatzeagatik, bi bidaiari gorputza sabaitik ateratzen ari zirela, Iruñean
23 urteko gidaria bide-segurtasunaren aurkako delitu batengatik ikertu dute. Autoan zihoazen bi bidaiariak ere salatu dituzte, segurtasun-uhalik gabe zihoazelako, mugikorrarekin grabatzen.
Baso-suteek 350.000 hektarea baino gehiago erre dituzte abuztua hasi denetik, Espainian
Oraindik, hogei bat su daude aktibo Gaztela eta Leonen, Galizian eta Extremaduran, eta haizea sua itzaltzeko lanak zailtzen ari da hainbat tokitan. Bien bitartean, azken orduetan Leongo iparraldean botatako euriak garrak kontrolatzen lagundu du Europako mendien inguruan. Bestalde, EAEtik sua itzaltzera joandako suhiltzaileek etxerako bidea hartu dute.
11 pertsona atxilotu dituzte Bilboko Aste Nagusiko bosgarren gauean; batek osasun-langileei eraso egin die
Atxiloketa gehienak indarkeriaz egindako ebasketekin eta lapurretekin lotuta daude. Dena dela, beste delitu batzuk ere jazo dira, eta gizon bat ere atxilotu dute emakume bati ukituak egitea leporatuta.
Hona hemen Faltzesko Piloneko bosgarren entzierroko irudiak
Faltzesko Piloneko bosgarren entzierroak minutu bat eta 11 segundo iraun du, orain arteko bigarren entzierro luzeena izan da eta Eulogio Mateo de Carcarren zezenak izan dira protagonista. Hainbat eroriko eta estropezu izan dira ibilbidean zehar.