Euskadi, zeroz azpitik: Izotzagatik ezarritako abisua larunbatera arte luzatu dute
Eusko Jaurlaritzako Segurtasun Sailak larunbatera luzatu du tenperatura minimoengatik eta izotzagatik atzotik indarrean dagoen abisu horia. Termometroa asko jaitsi da bart, Iturrietan (Araba), esaterako, zeroz azpitik 7,4 gradu izan dituzte.
Hotzaldiak larunbatera arte behintzat iraungo du, eta hala, ordura arte luzatu dute abisua. Bereziki lurraldearen barnealdean hoztuko du.
Marka, tenperatura minimoetan
Araban hotz handia egin du bart. Iturrietan erregistratu dute tenperatura baxuena (-7,4 ºC), baina aipatzeko modukoak dira Agurainen (-6,6 ºC) edota Gasteizko Abetxuko auzoan (-4,1 ºC) jasotakoak ere. Bizkaian, Otxandion (-5 ºC) eta Balmasedan (-2 ºC) izan dituzte hotzenak, eta Gipuzkoan, zeroz azpitik 3,3 gradura jaitsi da merkurioa Berastegin eta zeroz azpitik bira, Arrasaten.
Euskalmet Euskal Meteorologia Agentziaren iragarpenaren arabera, ostegunean eguzkia ikusteko aukera izango da, baina erdi mailako hodei eta goi-hodei batzuk ere agertuko dira, arratsaldean batez ere. Ipar-ekialdeko haize ahula ibiliko da. Tenperatura maximoei dagokienez, 6 eta 10 ºC artean geratuko dira.
Ostiralekoa egun eguzkitsu eta hotza izango da. Ekialdeko eta ipar-ekialdeko haizea ibiliko da, orokorrean indar handiegirik gabe. Larunbatean ildo beretik jarraituko du eguraldiak. Antizikloia nagusituko da eta giro lehorra bermatuko du. Goizeko behe-lainoa desagertzen denean, zerua oskarbi agertuko da. Ekialdeko eta ipar-ekialdeko haize ahularekin jarraituko dugu. Tenperatura beroenak pare bat gradu igo litezke, baina, hala ere, toki gehienetan ez da 10 ºC-ren muga gaindituko.
Zure interesekoa izan daiteke
Euria gorabehera, giro ederrarekin ospatu dute San Tomas Bilbon eta Donostian
Negu giroa nagusitu da, baina horrek ez ditu bisitariak kikildu, eta milaka pertsona ibili dira Bizkaiko hiriburuan eta Gipuzkoakoan hara eta hona.
51 urteko gizonezko bat hil da A-1 autobian, Agurain parean izandako istripu batean
Kamioi batek eta auto batek talka egin dute, Irungo noranzkoan. Autoan zihoan beste pertsona, 59 urteko gizasemea, Txagorritxuko Ospitalera eraman dute.
Gabonetako loteriak 2.772 milioi euro banatuko ditu aurten saritan
Behin-behineko datuen arabera, EAEn 87,43 eurokoa da batez besteko gastua biztanleko; Nafarroan, aldiz, 58,62 eurokoa. Ikusteko dago Hego Euskal Herriak zortea alde duen, duela bi urte bezala. Zozketa 09:00etan hasiko da, eta ORAIN albiste zerbitzu digitalak zuzenean jarraituko du.
Emakume baten gorpua agertu da Barakaldoko etxebizitza batean, "indarkeria zantzuekin"
Emakumearen senideek Ertzaintzari jakinarazi diotenez, konorterik gabe aurkitu dute bere etxean goizean. Bertaratu ostean, heriotza baieztatu eta ikerketa abiatu du Ertzaintzak gertatua argitzeko.
Jaurlaritzak Neguko Bidezaintza Plana aktibatu du, mendateen egoera bertatik behera jarraitzeko
Jarraipen eta informazio fasea martxan jarrita, elurra kentzeko 215 makina, ibilgailu astunak erretiratzeko 7 garabi eta 130 laguntza-ibilgailu izango dira behar denerako prest.
Milaka lagun Bilboko San Tomas azokan
Euriak eta neguko giroak ez ditu herritarrak kikildu eta milaka lagun gerturatu da Areatzara azoka bereziaz gozatzera.
Gaur goizaldean Bilbon izan den tiroketa bat ikertzen ari da Ertzaintza
Gaueko aisialdirako lokal baten inguruan izan da, eta tiroen egilea bilatzen ari dira.
Jende asko Donostian San Tomas eguneko ferian, goizeko aterrunea aprobetxatuz
Talogileak etengabe ari dira lanean goizean goizetik, eta bertako produktuen saltokiek ere aukera paregabea eskaintzen dute gabonen atariko jai honetan sabelak gozatzeko.
A-1 errepidea itxita egongo da hainbat egunez Iruraiz-Gaunan, Irungo noranzkoan, kamioi batek su hartu ondoren
Suteak kalteak eragin zituen asfaltoan, eta konpondu egin behar dute. Trafikoa A-3100 errepidetik bideratzen ari dira, Agurainera iritsi baino lehentxeago atzera autobian sartzeko.
Harrera jendetsua egin diete Baionan Olentzerori eta Mari Domingiri
Ohiturari jarraikiz, Errobi ibaian barrena traineruz heldu dira Lapurdiko hiriburura. Opariak ez ezik, euskara eta itxaropena ere ekarriko dituztela azpimarratu dute biek ala biek.