Maravillas gaztetxearen 'hutsarazte ezkutu eta doilorra' salatu du kalejira batek
Maravillas gaztetxearen aldeko kalejira egin dute Iruñeko parte zaharrean. “Hutsarazte ezkutu eta doilorraren” aurka protesta egin dute gazteek. Poliziak eta teknikariak Rozalejoko Markesaren jauregian sartu dira goizaldean, segurtasuna egiaztatzeko.
Eraikinaren okupazioa babestu eta Maravillas gaztetxe bezala kudeatzen duten gazteek batzar informatiboa egin dute. Polizia eta teknikarien ekintza kritikatu dute: “Hutsarazte estali eta doilorra izan da”.
Foruzaingoa eta Foru Exekutiboko teknikariak jauregira goizaldean sartu izana errefusatu du bozeramaile batek batzarrean. Eraikina hutsik zegoela zehaztu du. “Erantzukizun guztia Nafarroako Gobernuarena da”, adierazi du.
Txosten tekniko bat egin behar izatea zalantzan jarri du bozeramaileak. Arrazoia hori izango balitz, arratsaldean kolektiboaren abokatuarekin batera sartzen saiatu diren “pertsonei pasatzen utziko zieten”, azpimarratu du. Horregatik, “hutsarazte baten aurrean gaude”, ziurtatu du, “baina ez dugu amore emango”.
Bilera amaituta, gazteek kalejira egin dute Iruñeko parte zaharretik, "Maravillas aurrera!" lelopean. “Hutsarazte bat, beste okupazio bat!”, oihukatu dute protestan.
Ibilbidean EAJko egoitzaren aurrean geldialdia egin dute. Fatxadaren kontra arrautzak eta petardoak jaurti dituzte.
Txapitela kalera heldu direnean, Espainiako Poliziaren aurrean eserialdia egin dute. Gazteluko plazara sartzen galarazteko hesi bat osatu dute poliziek. Ondoren, protestarekin jarraitu dute manifestariek.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.