Rozalejoko Markesaren Jauregia itxi du berriz ere Nafarroako Gobernuak
Pil-pilean jarraitzen du Iruñean, Maravillas gaztetxearen auziak. Atzo berriz ere hainbat gazte Rozalejoko Markesaren Jauregira sartu ostean, gaur goizeko lehen orduan (07:30 aldera) Foruzaingoa sartu da bertara, gaztetxea husteko asmoz, baina ez dute inor topatu barruan.
Nafarroako Gobernuak ohar batean jakitera eman duenez, "eraikinean inor ez zegoela ikusi ondoren, atzo bertara sartzeko erabili zituzten arnesak hartu ditu Foruzaingoak". Luzagarriak, igotzeko barrak, eskailerak eta pankartak aurkitu dituzte barruan, baita atea irekitzea oztopatzeko jarritako hainbat hondakin ere.
Ondoren, Jauregia itxi dute, atea zigilatuz berriz ere. Foru Poliziaren Operazio Berezietarako Taldeko agenteek garatu dute operazioa, Espainiako Poliziaren laguntzarekin.
Foruzainak sartu diren unea grabatu eta Twitterren zabaldu dute:
Goizean foruzainak sartu eta gero, berehala zabaldu da albistea sare sozialetan eta ingurura hurbiltzeko deia egin ostean, dozenaka gazte agertu dira gaztetxearen ingurura. Poliziak kargatu egin du. Mercaderes kalean izan dira kargak eta Maravillas gaztetxetik jakitera eman dutenez, Udaletxeko Plazaraino iritsi dira:
Zaurituak izan direla salatu dute gaztetxetik eta gutxienez pertsona bat atxilotu dutela Iruñeko Alde Zaharrean.
Sare sozialetako deialdiri erantzunez, gazte ugari bildu dira Mercaderes kalera. Polizia alde batean eta dozenaka gazte daude beste aldean.
Maravillas gaztetxeko ordezkariek prentsaurrekoa eman dute eguerdian, eta Nafarroako Gobernuaren zein poliziaren jarrera salatu dute: "hamarnaka karga polizial eta ehun baino zauritu gehiago izan dira hainbat egunez auzoak pairatu duen militarizazio basati honen ondorioz" esan dute.
"Oraingoan gaztetxearen aurka oldartzeko erabilitako aitzakia segurtasuna eta eraikinaren egoera izan da, baina errealitatean goitik beherako aitzakia baldar eta gezurra besterik ez da" adierazi dute. Ildo horretan, Nafarroako Gobernuko teknikariek egindako txostenaren emaitzak zalantzan jarri dituzte, ez baitaude ados neurketak nola egin diren ezta atera diren ondorioekin ere: "Helburua gu desalojatzea eta eraikina fisikoki haustea izan da".
"Aski da, marra gorri guztiak gainditu dituzue eta aurrean izango gaituzue. Auzo honek gaztetxea izango du ahal duen bezain laster" esanez amaitu dute.
EH Bilduk "elkarrizketa eta akordioa" eskatu ditu
"Alde Zaharrera elkarbizitza bueltatu dadin deialdi urgentea egiten dugu" zabaldu du Iruñeko EH Bilduk bere Twitter kontu ofizialaren bidez.
"Auzoak ez du tentsio egoera hau merezi. Elkarrizketa eta akordioa dira auzo proiektuak eraikitzeko bide bakarra. Poliziaren presentziak, kargek eta enfrentamenduek konponbidea oztopatzen dute" gaineratu dute.
Atzo berriz okupatu zuten gaztetxea
Iruñeko Rozalejoko Markesaren Jauregia, berriz okupatu zuten atzo, larunbata. Nafarroako Gobernuak segurtasun arrazoiak argudiatuta itxi zuen aurreko astean, urtebete baino gehiago okupatuta egon ostean.
Gazte batzuk gaztetxera sartzen. Argazkia: EFE
Arratsalde-iluntze partean Iruñeko erdigunetik gaztetxearen alde egin zuten manifestazioa bukatu zenean, hiru pertsona jauregiko balkoietako batera irten ziren, eta pankarta bat zabaldu zuten, Gaztetxerik gabe, bakerik ez! Maravillas herriarentzat leloarekin.
Adierazpen batean gaztetxeko kideek esan zutenez, jauregia "herriarena da berriz ere, gure eskuetan dago berriz ere. Maravillas Gaztetxea suspertu eta bizirik dirau".
"Ez dugu onartuko kapitalak jabetza kolektiboak bereganatzen eta pribatizatzen jarraitzea. Ez dugu onartuko porlanaz eta hormigoiz gure ametsak eraisten jarraitzea. Horrexegatik, injustizia eta gezurren aurrean, atzera pausorik ez ematearen erabaki sendoa hartu dugu", esan zuten.
Zure interesekoa izan daiteke
Uda honetan Euskadiko errepideetan saihestu beharreko puntu kritikoak
Irteera Operaziorako dispositibo berezia bihar, ostirala, jarriko da martxan 15:00etan, orduantxe espero baitira uda honetako lehen auto-ilarak errepideetan. Eusko Jaurlaritzaren aurreikuspenen arabera, nazioarteko 2,27 milioi ibilgailuk zeharkatuko dute erkidegoa uda honetan, hau da, iaz baino % 6 gehiagok.
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost lagun atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotza da; emakumeen eta nesken trafikoak gizakion duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Bihartik aurrera, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.