Goiz korapilatsua errepideetan, hainbat istripuk eta ur-putzuek eraginda
Euriteak —alerta laranjan daude Bizkaia eta Gipuzkoa prezipitazio iraunkorrengatik— eta errepideetan dauden ur-putzu ugariak tarteko, istripu ugari jazo dira azken orduetan, Trafiko Zuzendaritzak jakinarazi duenez.
AP-8an, Abadiño parean (Bizkaia), hiru autok talka egin dute Irungo noranzkoan, eta bi errei itxi behar izan dituzte. Ondorioz, ilarak sortu dira. Hain justu, pilaketa horietan beste ezbehar bat eduki dute bi ibilgailuk.
Autobide berean, baina Deban (Gipuzkoa), arbola bat jausi da bidera Irungo noranzkoan. Kilometro bateko ilarak sortu dira. Horrez gain, inguru horretan istripua izan dute hiru autok, eta errei bat itxi behar izan dute.
AP-68an, Kuartango (Araba) parean eta Bilboko noranzkoan, pertsona bat zauritu da gidatzen ari zen ibilgailua errepidetik atera denean. Ezbeharra 07:00ak aldera jazo da eta, eskuineko erreia itxi dute, ibilgailua bertan geratu baita traba egiten. Hala, ilarak sortu dira.
Zauritutakoa suhiltzaileek atera behar izan dute ibilgailutik. Erietxera eraman dute.
Nafarroan, ez da istripu larririk izan azken orduetan, baina Foruzaingoak arretaz gidatzeko aholkatu du, euri-jasak direla eta.
Ur-putzuak eta bidera jausitako arbolak
Istripuez gain, nonahi ur-putzuak daudela ohartarazi du Trafiko Zuzendaritzak. Hortaz, kontuz gidatzeko eta segurtasun distantzia handitzeko gomendatu dute.
Hain justu, ur-putzu handi batek eraginda, itxi egin dute Autzagana mendatea (BI-635, Zugastieta eta Muxika artean), Gernikarako bidean.
Horrez gain, zuhaitz bana erori dira Derion eta Lekeitio eta Ondarroa batzen dituen BI-3438 errepidean, Mendexa parean. Azken bide hori itxi behar izan dute.
Lur-jausiak ere izan dira Bermeon, BI-3101 errepidean, eta Larrabetzun, BI-2713an (biak ere Bizkaian). Gipuzkoan, luiziengatik arazoak sortu dira Beasainen (GI-3192 errepidean) eta Elgoibarren (GI-2634).
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.