Martxoaren 8ko greba feminista deitu dute sindikatuek Euskal Herrian
ELA, LAB, ESK, Steilas, EHNE, Hiru, CGT eta CNT sindikatuek 24 orduko grebara deitu dituzte, martxoaren 8an, Euskal Herriko emakume guztiak. Deialdia Euskal Herriko Mugimendu Feministak egin du, emakumeek "24 orduz etxean zein lantokietan" planto egin dezaten, eta lanean emakumeek jasaten duten "diskriminazioa eta prekarietatea", zein etxean "dohain" egiten duten "zaintza lanaren balioa" agerian uzteko.
Hala adierazi dute Bilbon, Eusko Jaurlaritzan, eta Nafarroako Gobernuko Lan Sailaren aurrean, greba deialdia erregistratu ostean. Bertan azaldu dutenez, hau ez da ohiko greba bat, mugimendu feministak azpimarratu bezala, enplegutik haratago doalako; izan ere, egun horretan, 24 orduko greba deituko da lan merkatu arautuan ere.
LABeko idazkari nagusi Garbiñe Aranbururen hitzetan, gizonek "zeregin aktiboa" izan beharko lukete greban, "emakumeei grebara ateratzen lagundu behar baitiete".
Ildo horretan, Leire Txakartegi ELAko berdintasun saileko arduradunaren esanetan, biztanleriaren eta langileen erdiari zuzendutako greba orokorra izango da.
Enpleguan ere badaude milaka arrazoi emakumeok greba egiteko, "guk sufritzen ditugulako prekarietatea eta diskriminazio egoera gordinenak: behin-behinekotasuna, kontratu partzialak, soldata arrakala (emakumeok gizonezkoek baino %24 gutxiago irabazten dugu)", azaldu du.
"Martxoaren 8an zaintza lanak ere erdigunera ekarri nahi ditugu, eta lan horiei dagokien aitortza politiko, sozial eta ekonomikoa ematea aldarrikatuko dugu, sistema honek ez baitu funtzionatzen emakumeok musutruk egiten ditugun zaintza lanik gabe", esan du Txakartegik.
"Martxoak 8an emakumeok planto egingo dugu lantoki eta etxeetan, kalera aterako gara beste eredu baten alde, bizitzako erdiguneak jarriko dituen eredu baten alde, eta, horretarako, borroka sindikala eta feminista esku-hartuta joango dira", adierazi du.
Bestalde, "greba feminista egungo sistema zalantzan jartzeko eguna izatea nahi dugu. Izan ere, egungo sistema kapitalista, heteropatriarkal eta kolonialistaren barruan, emakumeok egiturazko diskriminazioa pairatzen jarraitzen dugu", esan du Garbiñe Aranburuk.
Zure interesekoa izan daiteke
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.
Txalo artean ospatu dute Kanadan 'San Juan' ontziaren uretaratzea
Txalo artean ospatu dute Red Bay Kanadako Ternua eta Labrador probintziako herrian San Juan ontziaren uretaratzea. Bertako herritarrak elkarrekin bildu dira uretaratzea zuzenean ikusteko; izan ere, arrantzale herri horretako uretan aurkitu zuten hondoratuta, 1976an.