'Harresi gehiago ez, zubiak' eskatu ditu Ongi Etorri Errefuxiatuak taldeak Bilbon
200 pertsona inguruk ekintza egin dute Bilboko ibaian, Marzana eta Merced zubien artean, "Harresi gehiago ez, zubiak eraiki ditzagun" lelopean, Ongi Etorri Errefuxiatuak plataformak deituta, Besarkada solidarioa ekimen europarraren baitan.
Giza-katea osatu dute parte hartzaileek eta pankarta bat zintzilikatu dute kanpainaren leloarekin: "Herrien besakada, Pertsonena eta Giza Eskubideena". Ekintza besarkada erraldoi batekin amaitu dute, Durangon maiatzaren 5ean egingo den ekintza handian bezala.
Ekitaldiaren baitan Tarajalen hil zituzten 15 pertsonak gogoratu dituzte. Ceutako hondartzara iritsi nahian igeri ari ziela ito egin ziren Guardia Zibilak botakoa gomazko pilota eta ke-poteengatik. "Krimen horien inpunitatea salatu nahi dugu, bost urte igaro diren honetan" salatu du plataformak.
Helena Maleno giza eskubideen defendatzailearen egoerari buruz ere ohartarazi dute. Iaz Gernikako Bakearen eta Berradiskidetzearen saria eskuratu zuen. "Bera izan zen Tarajaleko hondartzan agenteek erabili zuten materialaz ohartarazi zuena eta egunero hegoaldeko mugan gertatzen diren urraketak salatzen dituena, eta orain mugitzeko muga jarri diote" salatu du.
Aita Mari ontziaren egoera ere gogoan izan dute. Bilbon, Itsas Museoaren ondoan lotuta dago, agintariek Mediterraneora abiatzeko baimena eman zain: "Aita Mari hemen blokeatuz, Open Arms Bartzelonan blokeatuz eta Sea Watch Catanian blokeatuz, jada ez da geratzen Mediterraneoan gertatzen ari den holokaustoaren berri emango duenik" hausnartu dute.
Amaitzeko, Arriaga plazan martxoaren 5ean 18:00etan egingo duten emakumeen besarkadan parte hartzeko deia egin dute, martxoaren 8ko grebaren eta maiatzaren 5eko besarkada handiaren atariko gisa.
Zure interesekoa izan daiteke
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.
Osakidetzak markak hautsi ditu: 34 transplante egin dituzte azaroan Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabetean, eta arlo horretan Estatuan eta nazioartean duen lidergoa sendotu du.