Aita Mari eta Open Arms ontziek 139.000 sinadura entregatu dituzte Kongresuan
Aita Mari eta Open Arms ontzi humanitarioen kapitainek, Daniel Rivas eta Oscar Campsek, 139.000 sinadura baino gehiago entregatu dituzte ostegun honetan Diputatuen Kongresuan. Espainiako Gobernuari itsasoratzeko baimena eskatzeko dira sinadurak, Mediterraneoan errefuxiatuak erreskatatzeko helburuarekin.
Urtarrilean, Pedro Sanchezen Gobernuak ukatu egin zion Open Arms ontziari itsasoratzeko baimena, irizpide teknikoak eta nazioarteko itunak urratzen zituela argudiatuta.
Aita Mari azarotik dago itsasoratu ezinik, ontzian hainbat aldaketa egin dituzten arren. Baimenaren zain daude oraindik euskal tripulatzaileak.
Hedabideen aurrean egindako adierazpenetan, Campsek eta Rivasek deitoratu egin dute Espainiako Gobernuaren irizpide aldaketa. Izan ere, ekainean Aquarius ontziari Valentzian porturatzeko baimena eman eta gero, aurreko Exekutiboak immigrazioaren arloan zituen politikak aldatuko zituela pentsatu zuten.
Legebiltzarraren adierazpena
Testuinguru honetan, Eusko Legebiltzarrak deia egin dio Espainiako Gobernuari Aita Mari eta Open Arms ontziei itsasoratzeko baimena emateko.
EH Bilduk eraman du Ganberara legez besteko proposamena, eta EAJk eta Elkarrekin Podemosek babestu egin dute. PPk eta PSE-EEk ez dute adierazpen osoa babestu, baina bai puntu batzuk.
Aho batez, Legebiltzarrak elkartasuna agertu die bi ontzien tripulatzaileei eta giza eskubideen alde lan egiten duten GKE guztiei.
Zure interesekoa izan daiteke
Iñigo Etxezarretak "Zurekin Batera" abestu du Gasteizko jaietako pregoian
Gasteizko Plaza Barria Iñigo Etxezarretaren pregoiaren lekuko izan da. ETSko abeslariak Zurekin Batera abestu du Oreka TX taldearekin batera.
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.