Euskal gazteriak klima aldaketaren aurkako ekimenarekin bat egin du
Klima aldaketa geldiarazteko neurriak hartzeko eskatu diete euskal ikasleek gobernuei kaleetan, “B planetarik ez dagoelako” eta berehala neurriak hartzen ez baldin badira “hamar urtetan atzera bueltarik izango ez delako”.
Horrela, Greta Thunberg Suediako gazteak abiatutako Fridays for Future ekimenarekin bat egin dute Euskal Herriko gazteek. Nazioarteko greba eguna antolatu dute ikasleek ostiral honetan, munduko 1.800 hiritan. Dagoeneko ‘M15 klimatikoa’ izendatu dute batzuek.
Gasteizen, 200 bat gaztek elkarretaratzea egin dute Plaza Berrian, "zertarako ikasi etorkizunik gabeko planetan" eta “klima aldaketa munduarentzako mehatxurik handiena da” lelopean. Besteak beste, “mundua banku bat balitz dagoeneko erreskatatuko zenuketen” eta “ez dut hitzik aurkitzen, soilik plastikoak”, irakur zitekeen pankartetan.
Munduko mobilizazioaren ondorioz Arabako hiriburuan Fridays For Future Gasteizko Batzarra sortu dela azaldu du antolatzaileen bozeramaile batek, “olatua” bideratzeko helburuarekin. “Guztioi eragiten digun” gaia da, bozeramaileak nabarmendu duenez, eta “ez dago siglarik, ezta alderdi politikorik ere”.
Bestalde, benetako trantsizio energetiko bat aurrera eramateko eskatu diete gobernuei, erregai fosilen aldeko apustua egiten jarraitu beharrean. Bestela, CO2 isuriek gora egiten jarraituko dute.
Elkarretaratzean, gazteak Gasteizko udaletxearen aurrean bildu dira. Besteak beste, “planeta defenda dezagun”, “hemen gaude, klimaren alde” eta “poluzio gutxiago, iraultza gehiago”, oihukatu dute.
Donostian, 30 bat ikaslek elkarretaratzea egin dute Ignacio Maria Ibarrola ikasgelategiaren aurrean, klima aldaketaren aurkako pankartekin eta kartelekin. "Fridays for Future", “gure etorkizuna ez da zuen jokoa” eta “sistema alda dezagun, ez klima”, irakur zitekeen karteletan.
Ikasgela eraikinaren aurrean zenbait minutu pasa ondoren, ikasleek manifestazioa egin dute EHUren Gipuzkoako campusean.
Bilboko udaletxearen aurrean, 18:00ak aldera, 300 bat gaztek elkarretaratzea egin dute. “Etorkizuna ez dago salgai” edo “gradu bat gehiagorik ez, espezie gutxiago bat ez”, oihukatu dute. Goizean elkarretaratzea egin dute Leioako campusean.
Baionan ere ehunka gazte irten dira kalera goizean. Ikastetxe gehienek bat egin dute greba mugimenduarekin. Ez dute begi onez ikusten Frantziako Gobernuaren jarrera gai honen inguruan.
Ordua 08:30erako zuten jarria, eta gazte andana bildu da elkarretaratzera. Herriko etxeko atarian bildu, eta Baionako suprefektura aldera joan dira hainbat ikastetxetako ikasleak.
Diotenez, “inoiz ikusi gabeko egoera batean dago gaurko gizartea”. “Klima aldaketaren aurka zerbait egin dezakeen azken belaunaldia gara”, nabarmendu dute.
Hala ere, oraindik “hondamendia” saihesteko garaiz gabiltzala uste dute Lapurdiko hiriburuan agertu diren gazteek. Ipar Euska Herriko 40 taldek deituta, gisa bereko ekimena egingo dute Angelun, larunbat goizean.
Zure interesekoa izan daiteke
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.