'Klika! Instalatu eta elika! Euskarak behar du herri honen sistema eragilean'
Eguerdian, Gasteizen, amaitu da 21. Korrikaren edizioa, eta Andra Mari Zuriaren Plaza jendez lepo zela argitu da azken 11 egun hauetan lekuko barruan joan den mezua.
Egileak, Maialen Lujanbio Euskal Herriko bertsolari txapeldunak, irakurri du mezua 12:30ak jota. Mezuaren edukia bezain isilpean gorde da egilearen identitatea une horretara arte, eta txalo zaparrada jaso du Mertxe Mugika AEKko koordinatzaile nagusiarekin batera azken metroak egiteko bistaratu denean.
"Euskara gaur egun arte, ta Gasteizaino KORRIKA, ekarri dugunoi: biba, gora, eutsi, goza..." esanez hasi du testua. "...Klika! Hizkuntza ez da edukitzekoa. Lizuna egiten zaio barruan gordeta, lika" jarraitu du.
Horregatik "instalatu eta elika" aldarrikatu du, "Euskarak behar du herri honen sistema eragilean".
Euskarari behar den lekua emateko eta emanarazteko eskatu du Lujanbiok: "Hizkuntza bat dugu ahulguztiduna. (...) Hala ere, korrika egiten dugu. (...) Izan ere, hainbeste maite gaituzte erakundeek, alderdiak politikoek, komunikabideek... korrika gabiltzala... (...) zergatik gutxietsiko ote gaituzte hainbestetan oinez gabiltzanean?"
"Egin eragin, eginarazi" ihardetsi du Lujanbiok, "Aukerak eskaini eta euskara eskatu. Datozenei ere eman euskaran, ospatu eta eskertu eta ospatu".
Eta ildo beretik jarraitu du, "Mundu bat euskarak, mende erdia Euskara Batuak, eta ehunka milaka bizitza eta gogo EUSKARA BATUAK" aldarrikatuz amaitu arte. ('Klika! Sistema eragilean' testu osoa hemen).
Mertxe Mugikak hitza hartu eta benetan eskerrak eman dizkio Lujanbiori bere testuagatik eta "euskaraz bizitzeko aukera egin dugunok Euskal Herriko sistema eragilean egin behar dugu klika" berretsi du hark ere.
Iñaki Viñaspre Arabako Bertsolari txapeldun izendatu berriarekin bertso bate kantatuz amaitu da ekitaldia, eta lehertu da egun osoko festa Gasteizen.
Egitaraua
Egun osoko jaia dago gaur Gasteizen. Foru plazan kontzertuak izango dira 14:00etatik aurrera: Libe, Trikoma, Koban eta Gozo-Gozo erromeria. Buruileriak plazan, Mice, Konpost eta Ene Bada! entzuteko parada izango da.
Gainera, Enparantza Berrian magia, tailerrak eta "akrobazia ikuskizun emozionala" egongo dira publikoaren gozagarri, eta dantza eta bertso saioak Aihotz plazan. Sabela betetzeko aukerak ere egongo dira eskura, hala nola, Landatxo kiroldegiko jantokia eta artisau azokak, Probintzia plazan eta Posta kalean.
08:20ean sartu da Korrika Gasteizera
Korrikaren 11. egunean, 08:20 aldera sartu da Arabako hiriburuan euskararen aldeko lasterketa, eta 12:30etan gelditu da aste eta erdian lehenengoz. Lau ordu horietan Gasteizko auzo guztiak igaro dituzte korrikalariek, lekukoa eskuz esku pasatuz, Andra Mari Zuriaren Plazara, amaierara, iritsi arte.
Bidean, erritmoa bizitu edo mantsotzen zuen furgonetaren animoekin ibili dira korrika gasteiztarrak, festa giroan. Ehunka lagun sartu dira Gasteizera, eta bidean, gehituz eta gehituz joan dira lasterkariak, milaka izatera iritsi arte.
Gauean, Zeanuri (00:00), Arrasate (03:38), Leintz Gatzaga (05:30) eta Legutio (06:09) zeharkatu dituzte, besteak beste, parte-hartzaileek, eta Erretana nahiz Durana pasata sartu dira Gasteizera.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.