'Aita Mari', Mallorcara bidean, Greziara joateko baimenak lortzeko asmoz
Lesbosera (Grezia) giza laguntza eraman nahi duen Aita Mari ontzia Palmako portura bidean da, Espainiako Itsas Agintaritzak emandako agindua betetzeko asmoz, Giza Itsas Salbamenduak (SMH) jakitera eman duenez.
Atzo Espainiako Estatuko portu batean gelditzea eta dagokion baimena eskuratzea exijitu zion Agintaritzak, nahiz eta Portugalek emana zion.
Ontzia Elxen parean dago. Atzo norabidea aldatu behar izan zuen, Mediterraneora joateko Espainiaren baimena ez zuela jakitean.
Portugalen baimena bazuen
Aita Mari ontziaren arduradunek nabarmendu dutenez, bihar 08:00ak aldera helduko da Palmara. SMH gobernuz kanpoko kideak hasi dira Greziara bidaiatzeko baimenak izapidetzen, baina oraindik ez dakite lortuko dituzten ala ez.
Lisboan, Portugalgo agintarien baimena jaso zuen Aita Mari-k Lesbosera giza laguntza garraiatzeko (medikuentzako materiala, esne hautsa haurrentzat eta higienerako oinarrizko beste produktu batzuk). Hain justu, horren berri eman zieten Espainiako agintariei, eta, horien erantzuna ikusita, Espainia Portugalgo Itsas Agintaritzaren erabakiaren aurka jokatzen ari dela uste du SMHk.
Aita Mari-ren arduradunek azpimarratu dutenez, euren asmoa giza laguntza garraiatzea eta ontzia ospitale moduan erabiltzea da; ez, ordea, erreskate lanak egitea.
Horrela, eta Greziako uharteetan dagoen "urgentziazko egoera" kontuan hartuta, "Portugalgo agintariek emandako baimena berrestea eta bidaiarekin jarraitzen uztea" eskatu diete Espainiako agintariei.
Zure interesekoa izan daiteke
13 urtetik beherakoei sare sozialak debekatzea proposatu du Bruselak
SOS-Deiak larrialdi zerbitzua ordu erdi etenda egon da sistemako akats baten ondorioz
Ezkontzak % 8,4 gutxitu dira Euskadin urteko lehen hiruhilekoan
Gizon bat atxilotu dute Bilbon, ibilgailuak erregistratzeko eta delituak egiteko mutil baten identitatea usurpatzeagatik
Euriteek gutxienez hildako bat utzi dute Katalunian
Bengoetxea: "Epaia sakon aztertuko dugu helegitea aurkeztu edo ez erabakitzeko eta moldatzen ari garen dekretua hobetzeko"
Oporrak baimenik gabe 17 egunez luzatu zituen langile baten kaleratzea berretsi du Nafarroako Justizia Auzitegi Nagusiak
Egunean zenbat ordu igarotzen dituzte haurrek eta nerabeek pantailen aurrean?
Bi pertsona atxilotu dituzte Ceutan, baldintza penagarrietan eta dirutza kobratuta migratzaileei "ostatu emateagatik"
