Gipuzkoako IAT estazioen arazoa berehala konpontzeko eskatu dio RACVNek Jaurlaritzari
Gipuzkoako Ibilgailuen Azterketa Teknikoak egiteko estazioetan sortu den "arazo larriari premiazko irtenbidea" emateko eskatu dio gaur Real Automovil Club Vasco Navarro elkarteak Eusko Jaurlaritzari. Halaber, "kudeaketa txarraren ondorioak" herritarrak pairatzen ari direla salatu du.
Pedro Martinez de Artola eta Eduardo Martinez RACVNeko presidente eta zuzendariak agerraldia egin dute Donostian, Gipuzako IAT estazioetan sortu diren kolapsoei buruz elkarte horrek duen iritzia emateko.
Martinez de Artolak azpimarratu du "aurreikusi zitekeen arazoa" dela; izan ere, "hamar urtetik gorako 31.000 ibilgailu baino gehiago daude eta horrek azterketa gehiago eta konplexuagoak egitea eskatzen du".
Horrenbestez, egoera "larri" honi irtenbidea emateko berehalako eta behin-behineko neurriak har ditzala eskatu dio Eusko Jaurlaritzari, "aurrerago plan zehatzago bat garatzeko".
Bestalde, gidariak arazo honen erantzuletzat jotzea onartezina dela esan du. Hau guztia "kudeaketa txar baten ondorio da".
"Ibilgailuen azterketak egiteko zentroak behar bezala funtzionatu behar dute eta horren arduradunak IAT estazioak kudeatzen dituzten enpresak dira; esleipenak, baina, Jaularitzak ematen ditu eta, beraz, azken erantzulea Jaurlaritza da; Jaurlaritzak bermatu behar du kudeaketa zuzena dela", azaldu du.
Horrela, bada, RACVN elkarteak uste du Gipuzkoan beste bi estazio gehiago behar direla. Egun, hiru daude.
Ildo berean, zentro horietako bat Donostialdean kokatzea proposatu du.
Zure interesekoa izan daiteke
Ur murrizketak Arabako hainbat herritan, lehorteak eta eskasiak eraginda
Arabako Ur Partzuergoak ur murrizketak ezarri ditu Agurain edo Alegria-Dulantzi bezalako udalerrietan. Zuian, berriz, ura zisterna-kamioietan eramaten hasi dira hornidura bermatzeko.
Zuzenean: Bilboko Aste Nagusiko txupinazoa
Bilbok bere jaiei hasiera emango die: txupinaren burrunbarekin, bilbotarrek zazpi jai-egun dituzte aurretik Aste Nagusiaz gozatzeko.
Euria lagun, Rigloseko sutea mendean hartzea lortu dute
Baso-sutearen bilakaera ona dela eta, gaur hasiko dira 19 herrigunetatik ebakuatutako bizilagunak (1.000 baino gehiago) beren etxeetara itzultzen.
Rigloseko suteak hobera egin du eta dena prest dago ebakuatutako bizilagunak euren etxeetara bueltatzeko
Sutearen zatirik handiena, 17.500 hektarea baino gehiago erre dituena, egonkortuta dago, sektore batzuen faltan.
49 urteko motor-gidari bat larri zauritu da Arrietan izandako istripu batean
Ezbeharra 17:00 inguruan gertatu da, NA-1720 errepidean Arrietan parean (Artzibar). Nafarroako Gobernuak ohar batean azaldu duenez, aurrez aurre talka egin dute autoak eta zauritutako gizona zihoan motorrak.
Sabino Ormazabal ekintzaile eta bakezale nekaezina zendu da, 72 urte zituela
Kazetaritza, antimilitarismoa, ekologismoa, giza-eskubideak eta desobedientzia zibila izan ditu ardatz donostiarrak bere bizitza osoan zehar. Gizarte-mugimenduetan murgilduta beti, Eusko Legebiltzarrak izendatutako polizia-gehiegikeriaren eta giza eskubideen urraketen biktimen aldeko batzordean parte hartu zuen 2013tik.
Pertsona bat hil eta beste bat larri zauritu da Zallan, auto batek eta kamioi batek talka eginda
Hildakoa turismoaren gidaria da, 51 urteko gizona; haren bidaiaria, berriz, 48 urteko emakumea, ospitalera eraman dute.
Espainiako Gobernuak aldi baterako 1.500 harrera-plaza gaitu ditu Ceutan, migrazio-presioaren aurrean
Elma Saizek iragarri du harrera-sistema arintzeko lau gune berehala zabalduko direla, eta erakundeen arteko lankidetza nabarmendu du.
Bilboko konpartsek kuotak ezarri dituzte euskarazko musikarentzat txosnetan, % 27 baino ez dela egiaztatu ondoren
Konpartsek kanpaina bat aurkeztu dute jaietan euskararen erabilera indartzeko, eta txosnetan euskarazko musikaren proportzioa handitzeaz gain, beste aldaketa batzuk ere egin dituzte erabilera areagotzeko.
Zuia egoera larrian dago ur faltagatik, eta zisterna-kamioiak eskatu dizkio Aldundiari
Udalak igerilekuak betetzea, baratzeak eta lorategiak ureztatzea eta ibilgailuak garbitzea debekatu du, Baias ibaiaren ur-emaria jaisten ari delako.