Hil egin da Gasteizen bere etxeko atarian erasoa jasan zuen emakumea
Gasteizen, hil egin da igandean bere ezkaratzeko igogailuan erasoa jasan zuen 75 urteko emakumea. Antza, bi gaztek eraso zioten, lapurreta saiakera batean.
Emakumea eguerdia baino minutu batzuk lehenago zendu da, Santiago ospitalean.
Erasoa 16:30 inguruan gertatu zen Aranbizkarra auzoko Hortaleza kaleko 3. atarian, emakumea bizi den tokian.
Antza denez, bi gazte bere atzetik sartu ziren atarian, eta elkarrekin sartu ziren igogailuan. Bertan, hainbat kolpe eman zizkioten eta aldean zeramana lapurtu zioten. Emakumea lurrean gelditu zen, zaurituta, eta erasotzaileek eskaileretatik barrena ihes egin zuten. Ihesean, biktimaren poltsa hirugarren solairuan bota zuten.
Bizilagunek emakumearen oihuak entzun zituzten, eta laguntzera joan ziren. Biktima 17:15ean ospitaleratu zuten. Gerora, erietxean zegoela, konortea galdu zuen, eta zaintza intentsiboen unitatean sartu zuten, larri. Bi egun egin ditu bertan, harik eta gaur hil den arte.
Oraindik ez dute inor atxilotu, baina Ertzaintza bi erasotzaileen bila ari da.
Bestalde, Aranbizkarra auzoko Zazpigarren Alaba auzo elkarteak gogor gaitzetsi du erasoa, eta, prebentzio neurri gisa, polizia gehiago eskatu du.
Ertzaintzak herritarren laguntza eskatu du erasoaren nondik norakoak argitzeko.
Bestalde, Gasteizko Udalak erasoa gaitzesteaz gain, solidaritatea helarazi dio hildako emakumearen familiari.
Halaber, bost minutuko elkarretaratzea deitu du bihar (asteazkena), 12:45ean, Urrezko Zeledonen plazan.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.