Donostian hildako gizonari atzetik egin zioten eraso, lekukoen arabera
Igandean 61 urteko gizon bati eraso zioten Donostiako Gros auzoan, eta atzo hil zen ospitalean. Gaur eguerdian, Donostiako udal ordezkariek eta biktimaren senideek gertakaria gaitzesteko elkarretaratzea egin dute Alderdi Ederren.
Bilkuran izan dira biktimaren hiru seme-alabak: Uzuri, Joaquin eta Berex. Uzurik kazetarien aurrean azaldu duenez, lekukoen esanetan, erasotzailea jarraika zeukan Gros auzoko kaleetan barrena, gizonak bakean uzteko eskatu zion eta horrek ezustean atzetik eraso egin zion.
Jose Luis Lancha Errenteriako bizilaguna zen, eta erasoa jasan zuen egunean 61 urte bete zituen. Eguraldi ona aprobetxatzeko, Zurriola hondartzara joatea erabaki zuen, baina aurrez Groseko administrazio batean loteria erostea pentsatu zuen, alabaren hitzetan.
Erasotzailearekin egin zuen topo orduan. "Lekukoen arabera, jarraika ari zitzaion, nire aitak bakean uzteko eta ez segitzeko eskatzen zion, baina ezustean gizonak atzetik eraso egin zion", adierazi du. Aita "indartsua eta kirolaria" zela azpimarratuta, aurrez aurre eraso egin izan balio, defendatzeko aukera izango zuela eta bizirik egongo zela iritzi dio.
Bestalde, inguru hartako kamerek hartutako irudietan erasotzailea ageri dela jakinarazi du. "Ez didate utzi erasoaren irudiak ikusten, baina erasotzailearen aurpegia buruan iltzatuta geratu zait", nabarmendu du. Ertzaintzak oraindik ez duela identifikatu, baina irudietan horren aurpegia "ezin hobeto" ikusten dela gaineratu du Uzurik.
Horrez gain, Joaquin semeak esan du aitari "objekturen batekin" egin ziotela eraso. "Autopsiak argituko du, baina erori aurretik objektu handi batekin jo zutela uste dugu. Arreba medikua da eta lurrera erorita garezurra horrela haustea ezinezkoa dela dio. Poliziak eta Justiziak erasotzailea harrapatuko duten itxaropena dugu", gaineratu du.
(Alderdi Ederren egindako bilkura. Argazkia: EFE)
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.