Gizon bat zauritu da AP-8an, Abanton, lau ibilgailuren arteko istripuan
67 urteko gizon bat zauritu da AP-8an, Abanton (Bizkaia), Kantabriako noranzkoan, lau ibilgailuen arteko trafiko istripuan. Ondorioz, sei kilometroko ilarak izan dira, Segurtasun Sailak iragarri duenez.
Istripua 11:30ak aldera gertatu da. Horretan, Volvo markako ibilgailu bat errepidetik atera eta irauli egin da.
Ibilgailuaren gidaria barruan harrapatuta geratu da, eta Suhiltzaileek erreskatatu behar izan dute. Horren ostean, Gurutzetako ospitalera eraman dute.
Trafiko ezbeharra dela eta, bi bide itxi dituzte Kantabriako noranzkoan. Horren ondorioz, 13:15etan, bost orduko ilarak zeuden. Bide horiek berriro ireki dituzte beranduago, eta, nahiz eta ilararik ez egon, zirkulazioa motela da.
Ilara luzeak Biriatuko ordainlekuan
Bestalde, bederatzi kilometrorainoko ilarak sortu dira AP-8an, Biriatuko ordainlekuan, Irunen (Gipuzkoan). Eusko Jaurlaritzako Trafiko Zuzendaritzak iragarri duenez, AP-8ko Hendaia-Biriatuko irteera (S1), Baionako noranzkoan, ibilgailuentzat itxi dute abuztuaren 27ko 06:00ak arte, Biarritzen egingo duten G7ko goi-bilera dela eta.
Zure interesekoa izan daiteke
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina ohartarazi dute ura uherra atera daitekeela une batzuetan, eta, beraz, ura isurtzen uztea gomendatu dute.
'San Juan' baleontzia Pasaiako badian da jada, historia egiteko prest
Oraindik ez dute lan guztia amaitu, mastak, oihalak eta beste xehetasun batzuk falta baitira. Asmoa da 2027an Kanadarantz abiatzea, euskaldunek bere garaian egiten zuten modura.
'San Juan' ontziaren uretaratze hunkigarria Pasaian
Sagardoarekin bataiatu ondoren, San Juan baleontzia Pasaiako badian uretaratu dute. Agintariek eta ehunka herritarrek ez dute une historikoa galdu nahi izan.
Bizkaiko Foru Aldundiaren LEP bat baliogabetu dute plaza gehienetan euskara eskatzeagatik
Epaile batek bertan behera utzi du deialdia, neurriz kanpokotzat jo baitu Gizarteratzeko Goi Mailako Teknikari lanpostuetako 20tik 18tan eskatzen den euskararen hizkuntza-eskakizuna, zerbitzu horren erabiltzaile gehienak gaztelaniaz aritzen direlako.
Auto-ilara luzeak BI-30 errepidean, Sondikan, eta A-8 autobidean, Arrigorriagan
Arazo handiak izan dira zirkulazioan ostiral arratsaldean EAEko errepide-sareko bi puntu horietan, bi zirkulazio-istripuren ondorioz.
Donostiak eta Gasteizek atxilotuen delitu-historia ikusteko aukera izango dute
Berrerortzeari aurre egiteko eta segurtasuna indartzeko neurria da, eta udaltzainek Justizia Ministerioaren artxiboetan izango dute atxilotuen aurrekarien berri zuzenean.
Hasi da Elikagaien Bankuen udazkeneko Bilketa Handia
Elikagaien Bankuen helburua da ia hutsik dauden biltegiak elikagaiz eta beste produktu batzuez betetzea, behar duten familiei laguntzeko. Gehien behar diren produktuak olioa, haurrentzako elikagaiak, arrain-kontserbak, tomate frijitua eta gosaltzeko produktuak dira. Elikagaien Bankuek garbiketarako eta higiene pertsonalerako produktuak ere behar dituzte.
"Zailena hau dena egia bihurtzeko testuingurua sortzea izan da"
Albaola Itsas Kultur Faktoriako arduradun Xabier Agotek esan duenez, Albaola "dimentsio horietako proiektu bati ekiteko beharrezko testuingurua da". "Ezagutza berreskuratzea, azpiegitura sortzea eta zerotik hastea izan da zailena", azaldu du.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Donostiako Udalak garraio publikoa erabiltzeko gomendatu du.
Albiste izango dira: 'San Juan' baleontziaren uretaratzea, Euskadiko angula arrantzaleen egoera eta kontrol saioa Eusko Legebiltzarrean
Gaurkoan Orain-en albiste izango direnen laburpena, bi hitzetan.