Euskal Herriko bankuetan ostu duten lau lapur atxilotu dituzte Almerian
Guardia Zibilak, Huercal Overako (Almeria) Udaltzaingoaren laguntzarekin, uztailetik zenbait bankutan 200.000 euro ostu dituzten lau lapur atxilotu ditu. Banku horietako batzuk Bizkaian, Gipuzkoan eta Nafarroan zeuden.
Armarik eta indarkeriarik gabe burutzen zituzten lapurretak, sukurtsaletako bezeroak eta langileak distraituz. Espainiar Estatu osoan zehar ibili ziren, identitate faltsuekin, ileordeekin, txanoekin eta betaurrekoekin mozorrotuta.
Hiru gizon eta emakume bat dira atxilotuak, eta Bizkaian, Gipuzkoan eta Iruñean egindako lapurretez gain, beste batzuk ere leporatzen dizkiete, Murtzian, Granadan, Burgosen, Alacanten, Valentzian, Errioxan, Zaragozan, Pontevedran eta Coruñan egindakoak.
Lapurretak burutzeko, lehenago bankuetako langileen behar egiteko modua aztertzen zuten, jende gehien zegoen momentuak aprobetxatuta. Behin lekua aztertuta, langileak entretenitzen zituzten, bezero plantak eginez. Bitartean, taldeko beste kide batek dirua bizkor lapurtzen zuen.
Lapurrei kendutako materiala. Argazkia: EFE
Abuztu amaieran, Huercal Overako Udaltzaingoak Guardia Zibilari esan zion taldea banku baten inguruan zebilela.
Guardia zibilek eta udaltzainek atxilotu zituztenean, ileordeak, txanoak, betaurrekoak, maiztasun inhibitzaileak eta beste gailuak zeramatzaten. Momentu horretan berretsi zuten hainbat identitate erabiltzen zituztela, eta guztiak antzeko beste delituekin lotuta zeudela.
Ikertzaileek taldea 2018tik Espainian zehar lapurretak egiten ibili zela jakin zuten. Ikerketa zabalik dago oraindik, eta oraindik lapurreta gehiago egotzi ahal dizkiete.
Atxilotuak epailearen esku jarri dituzte. Erakunde kriminala, hogei ebasketa eta identitatearen usurpazioa egozten dizkiete.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.