Tatuatzailearen aurka deklaratu dute bere bikotearen alabak eta pisu-kide ohiak
Donostiako tatuatzailearen aurkako epaiketaren bigarren saioa egin dute gaur goizean. Hamabi emakumeri sexu-erasoak eta gehiegikeriak egitea egotzita, Fiskaltzak 21 urte eta lau hilabeteko kartzela-zigorra eskatu du auzipetuarentzat.
Atzokoan biktimek eman zuten testigantza, eta gaurkoan akusatuaren pisu-kide ohiak, bikoteak eta horren alabak deklaratu dute. Lauak elkarrekin bizi izan ziren 2013ko urtarrila eta 2014ko uda bitartean, Donostian.
Garai hartan estudiorik ez zeukanez, etxean egiten zituen tatuajeak. Akusatuaren pisu-kideak azaldu duenez, etxera joaten ziren zenbait neskak beragan jo zuten, tatuatzailea intsinuazioetan aritzen zela ohartaraziz. Halaber, gizonak sare sozialen bidez bidaltzen zizkien mezuak erakutsi zizkioten.
Hasiera batean ez zuen muturrik sartu nahi izan eta horregatik ez zuen ezer egin. Alabaina, behin, orduan bere bikotekidea zenak ere jasan zituen akusatuaren gehiegikeriak eta horren berri izan zuenean gizona, haren bikotekidea eta alaba etxetik botatzea erabaki zuen.
Ondoren tatuatzailearen bikotekidearen alabak hartu du hitza. Amarekin eta akusatuarekin harremanik ez duela adierazi du. Negozioa abiatu zuenean auzipetuari marketin kontuetan laguntze ziola kontatu du. Etxera tatuajeak egitera joaten ziren neskei akusatuak “komentario lizunak” egiten zizkiela baieztatu du.
Areago, berak ere gertakari “oso desatseginak” jasan behar izan zituela aitortu du. Amaren aurrean, argazkiak biluzik ateratzeko proposatu zion akusatuak, estudioa iragartzeko irudia izango zela aitzakia gisa erabilita. “Berarekin bakarrik geratzea saihesten nuen”, azpimarratu du.
Bigarren saioan tatuatzailearen bikotekideak ere deklaratu du. Bezeroak etxera joaten zirenean bera beti aurrean egoten zela eta inoiz ez zuela haien kexarik jaso nabarmendu du. “Inoiz ez nuen ezer entzun, ezta garrasirik ere”, gaineratu du.
Bestalde, epaiketa urrira arte etetea erabaki du epaileak, hainbat lekukok, arrazoi ezberdinak tarteko, ostegun honetako saioan deklaratzeko aukerarik izan ez dutelako.
Albiste gehiago gizartea
EITBk aitortza jaso du EHUko Gizarte eta Komunikazio Zientzien fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz EITBri saria eman diote gizarteari egiten dion ekarpenagatik. Bertan egon da Andoni Aldekoa zuzendari nagusia, Arantza Ruiz albistegietako zuzendaria eta Lontzo Sainz, etxe honetako estrategia eta ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Oraindik orduak edo egunak beharko dira sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.