Sei laguni isuna jarri diete Pasealeku Berrira igarotzeko debekua urratzeagatik
Donostiako Udaltzaingoak isuna jarri die sei pertsonari Pasealeku Berrira igarotzea eragozteko jarritako hesiak zeharkatzeagatik, olatuen denboralearen ondorioz oinezkoentzat eta ibilgailuentzat itxita baitago.
Udaltzaingoaren arabera, ez dakite nola zeharkatu dituzten Pasealeku Berrira ibilgailuak eta oinezkoak ez igarotzeko jarri dituzten hesi handiak; izan ere, olatuengatik ezarritako alerta laranjak pasealekua ixtea ekarri du, eta asteazken eguerditik aurrera irekiko dute oinezkoentzat, abisu horia igarota.
Donostiako Udalak Pasealeku Berria itxi zuen atzo ibilgailuentzat eta oinezkoentzat, baita Leizaola pasealekua eta Haizearen Orrazia ere.
Eusko Jaurlaritzako Segurtasun Sailak olatuek kostaldean talka egiten duten eremuetara ez hurbiltzeko eskatu du, olatuek harrapatu eta herrestan eramateko arriskua dagoelako. "Argazki ikusgarri batek ez du behar ez den arrisku bat hartzerik merezi", gaineratu du.
Gaur, asteazkena, eguraldi ilun eta euritsuarekin hasi da eguna. Alde horretatik, euria ugaria eta iraunkorra izan daiteke goizean, baina, orokorrean, atertzeko joera izango du arratsalderako. Elur-mailari dagokionez, 1.500 metrotik gora egongo da egunaren lehen zatian, baina 1.200-1.300 metrora jaitsiko da arratsaldean.
Ostegunean, fronte aktibo bat iritsiko da goizaldean, eta prezipitazio ugari utziko ditu. Goizean zehar, fronteak lurraldea zeharkatu ostean, aterruneak izango dira, baina zaparradak eta ekaitzak iritsiko dira arratsaldean. Ildo horretatik, txingorra ere bota dezake.
Elur-mailari dagokionez, 700-900 metrora jaitsiko da, baina beherago ere egin dezake tarteka. Horrela, Jaurlaritzak abisu horia ezarriko du. Goizean, mendebaldeko haizea indartsu ibiliko da kostaldean, baina, egunak aurrera egin ahala, indarra galduko du, eta tenperaturak nabarmen jaitsiko dira arratsaldean.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.