'Atzerapausorik ez' onartzeko eskatu dio Emakundek gizarteari
"Emakumeen aurkako indarkeriarik gabeko gizarte bat lortzeko bidean atzerapausorik ez onartzeko" eskatu dio Emakundek gizarteari. Azaroaren 25a Emakumeen aurkako Indarkeria desagertzeko Nazioarteko Eguna izango da.
"Berdintasunaren alde eta emakumeen aurkako indarkeriaren kontra emaniko aurrerapauso bakoitzak lan, esfortzu eta ardura handia behar izan du", Izaskun Landaida Emakundeko zuzendariak ohar batean gogorarazi duenez.
"Gizarte honek aurrerapauso ugari eman ditu sentsibilizazioan, arretan zein prebentzioan, eta emakumeen aurkako indarkeriarik gabe eta berdintasunean aske bizitzeko eskubidea gero eta ozenago aldarrikatzen du", erantsi duenez.
Horregatik, "atzera bueltarik ez duen bidean atzerapausorik ezin dugu onartu", ohartarazi du. "Egiteko bide luzea geratzen dela badakigu, eta indarkeria matxistarik gabeko gizarte bat lortzeko, lanean jarraitzeko konpromisoa berretsi nahi dugu", esan du.
Jakitera ematen diren emakumeen aurkako indarkeria kasuak "egiturazko arazo larri baten icebergaren tontorra baino ez dira, kasu asko ezkutuan geratzen direlako", gogorarazi du Landaidak.
Zentzu horretan, "indarkeria pairatu eta aurre egiten dioten emakumeentzat baldintza aproposak sortzea gizarte osoaren erantzukizuna da", azpimarratu du.
Emakumeen aurkako indarkeria "gizon eta emakumeen arteko desberdintasunen ikurrik gordinena da gure gizartean", esan du Emakundeko zuzendariak. Horregatik, "egiturazko arazo honekin bukatzeko berdintasun politikak funtsezko tresnak" direla aldarrikatu du.
Emakumeen aurkako indarkeriaren kontrako "jarrera aktiboa egunero" izan behar dutela esan dio Emakundek gizarte osoari. Horregatik, azaroaren 25ean indarkeria matxista gaitzestera deitu ditu herritarrak, erakundeek eta herri mugimenduek deitutako mobilizazioetan parte hartuz edo puntu lilaren irudia erakutsiz.
Besteak beste, Eusko Jaurlaritzak elkarretaratzea deitu du astelehenerako Lehendakaritzako egoitzaren eskaileretan, 12:00etan; eta Bilboko mugimendu feministak manifestazioa 19:00etan. Protesta Jesusen Bihotzetik abiatuko da.
---------------------------------------------------------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Lehenak arrastoa uzten du fakturan eta telefonoan; bigarrenak, telefonoan. Beraz, ez ahaztu ezabatzea.
Zure interesekoa izan daiteke
Sei kilometrorainoko auto-ilarak sortu dira Barakaldorako noranzkoan, Avanzadan eta Txorierrin
Ezbeharraren ondorioz 3 pertsona artatu behar izan dituzte.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du labankadak "hiltzeko asmoz" hil zituztela
Eskatu 22 urteko kartzela-zigorra bai labankaden ustezko egile materialarentzat, bai ustez labana eman zion gizonarentzat, gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.
Iran eta sarreren prezioa polemikaren erdigunean, Munduko Futbol Txapelketa hasteko hilabete falta denean
Irango selekzioak parte hartuko duen baieztatu gabe dago oraindik. Bestalde, sarreren "prezio aldakorrak" salatu dituzte; hori ohikoa da NBA eta NFL ligetan.
