Bost pertsona intoxikatu dira Cabanillasen karbono monoxidoa arnastuta
Cabanillaseko (Nafarroa) senar-emazte batzuek eta haien hiru seme-alaba adingabeak Tuterako Reina Sofia ospitalean artatu behar izan dituzte, berogailu batetik isuritako karbono monoxidoarekin intoxikatu eta gero. Nafarroako Gobernuak jakinarazi duenez, bost senideen egoera ez da larria.
Atzo, azaroak 22, arratsaldeko zortziak aldera, dei bat jaso zuen SOS Nafarroak, familia batek intoxikazio sintomak zituela ohartaraziz. Tuterako suhiltzaileak lekura iritsi zirenerako, familia etxetik kanpo zegoen. Tuterako anbulantzia batek artatu zituen, eta karbono monoxidoaren intoxikazio sintomak zituztela ikusi zuen, larritasun txikikoak ordea.
Suhiltzaileek etxeko bi gas-berogailuen funtzionamendua egiaztatu zuten, eta behar baino karbono monoxido maila handiagoak zeudela ohartu ziren; beraz, familiaren etxea aireztatu zuten, bai eta aldameneko etxebizitza ere, prebentzioz.
Zure interesekoa izan daiteke
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.
B1 maila lau urtean eta 120 euroren truke lortzeko Euskara Bonua aurkeztu du Eusko Jaurlaritzak
Ibone Bengoetxea lehendakariordeak laburbildu duenez, doakotasun politika horren jauzia "hirukoitza" da; izan ere, "burokrazia murrizten du" izapide bakar batera; ikaskuntzaren kostu osoa "nabarmen murrizten du", "% 95eraino"; eta, azkenik, "lau urteko aukera" edukitzea "pizgarria" da, ikasleek B1 maila lortu arte jarrai dezaten.
Adinekoen zentroetan bingoan jokatzeko aukera irekiko du Legebiltzarrak
Proposamena Bilboko zahar-etxe batean izandako polemikaren ondoren etorri da. Zentroan 20 zentimoko kartoiekin jokatzen zuten, eta isunak jasotzeko mehatxua izan zuten.