Euskal gazteak, batez beste, 30 urterekin emantzipatzen dira, etxeen garestitzeagatik
Euskal gazteak, batez beste, ia 30 urterekin emantzipatzen dira, batez ere etxebizitzaren garestitasunagatik. Dena dela, gehienak baikorrak dira hemendik bost urtera haien egoera pertsonalak ekarriko dienarekin.
Horrela ondorioztatzen da "Euskadiko Gazteen 2019ko Panoramika" izeneko azken txostenetik, astelehen honetan Marcos Muro Eusko Jaurlaritzako Enplegu eta Gazteria sailburuordeak eta Agurtzane Llano Gazteria zuzendariak aurkeztu dutena.
Emantzipazioari dagokionez, 18 eta 24 urte bitarteko euskal gazteen % 6,7 bakarrik independizatu da, eta 25 eta 29 urte bitartekoen % 35,7. Tasa horrek gora egiten du 30 eta 34 urte bitartean dituztenetan (% 72,8).
Hori dela eta, emantzipatzeko batez besteko adina zertxobait jaitsi da, eta orain, ia 30 urte dira (29 urte eta sei hilabete).
Emantzipazio berantiar horren arrazoi nagusia jabetzako etxebizitza librearen garestitzea da, nahiz eta 2015etik maila egonkorrean mantendu, pisuen prezioen jaitsieragatik eta bankuek ematen dituzten interes-tasen jaitsieragatik.
Alokairu libreko etxebizitzetan ere zailtasunak ikusten dituzte, izan ere, 2018an, Euskadin mila etxebizitza baino ez zeuden eskuragarri, eta, salmentan, ordea, 20.000 baino gehiago.
Testuinguru horretan, udalek eta Eusko Jaurlaritzak Etxebideren bidez sustatzen duten Babes Ofizialeko Etxebizitza (BOE) da gaur egun aukera bideragarri bakarra, txosten horren arabera. 2018ko lehen seihilekoan, Etxebiden erregistratutako etxebizitza babesturako eskabideen % 81,3k alokairua aukeratu zuen.
Jarduera-tasak, hau da, lanean ari diren edo lan egiteko prest dauden pertsonen ehunekoak, erakusten du 16 eta 24 urte bitarteko gazteen % 26 egoera horretan daudela, eta ehunekoa % 85,4ra igotzen da 25 eta 29 urte bitartekoen artean.
Ildo horretatik, batez besteko soldata garbia 1.164 eurokoa da 18 eta 29 urte bitarteko gazteentzat, eta 1.428koa 30 eta 34 urte artekoentzat.
"Euskadiko Gazteen 2019ko Panoramika" txostenak ere erakusten du gazteen % 49k goi-mailako titulazioa duela eta % 69,3k ondo hitz egiten duela euskaraz.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.