Olentzero eta Mari Domingiren kalejira, gaur, Bilbon
Olentzero eta Mari Domingi gaur, abenduak 23, iritsiko dira Bilbora mitologia pertsonaiez inguratuta, Kale Nagusia zeharkatu eta Arriaga Plazan ikuskizuna egitera.
Kalejira 17:30ean hasiko da (zuzenean ETB3n eta eitb.eus-en). Aurretik, Carlton Hoteleko balkoitik, Olentzerok eta Mari Domingik agurra egingo dute, Bilbora itzuli direla iragartzeko. Zeinu hizkuntzako laguntzaile batekin batera, "ilusioa eta zoriontasuna" zabalduko dute, "elkartasuna, berdintasuna eta bizikidetza balioen garrantzia azpimarratuz".
Kalera jaitsita, egurrezko Pottoka handia hartuko du Olentzerok Kale Nagusitik behera joan eta Arriaga Plazaraino iristeko. Mari Domingi aldamenean joango da, eta Basajaunak eta Lamiak ere parte hartuko dute desfilean.
Uneoro, eta bertaratzen direnen gozamenerako, zuzeneko musika egongo da eta Gaztedi Dantza Taldearen ikuskizuna. Galtzagorriak ere hor joango dira, haurrak agurtzen eta azken gutunak jasotzen.
Kalejira argiztatzeko bengalak eta koloretako argiak jarriko dituzte, mugimendu eta erritmo handia sortuz. Guztira 80 bat artista arituko dira kalea girotzen, zanpantzarrekin, dantzariekin, fanfarriarekin eta zuzeneko musikarekin batera.
Arriaga Plaza
Arriaga Plazara iritsita, ordu erdiko antzerki-musikalaz gozatzeko aukera izango dute bertaratzen diren familiek. Bilboko Udalak bi pantaila erraldoi jarriko ditu Arriaga inguruan ikuskizuna zuzenean ikusi ahal izateko.
Agurraren eta abestien ondoren, Olentzero eta Mari Domingi Arriaga Antzokian sartuko dira, hurrengo egunera arte atseden hartzeko, baina jaiak aurrera jarraituko du, Areatzan 'Euskal Jaia' antolatu baitute. Jai horretan kantaldia antolatu dute, abesti herrikoiekin, Benta Zaharreko Mutil Alaiak taldearen eskutik.
Gaua Arriaga Antzokian igaro ostean, Olentzerok eta Mari Domingik, haurrak agurutuko dituzte banan-banan, asteartean, 11:00etatik aurrera.
Txartelak
Olentzerorengana joateko ordena zehazteko, txartelak banatuko dituzte. Familia bakoitzak gehienez hiru hartu ahal izango ditu (haurrentzako soilik, gurasoek ez dute behar). 1etik 500era 11:00etatik 12:00etara sartuko dira, gutxi gora-behera; 501etik 1.000ra, 12:00etatik 13:00era; eta 1.001etik 1.500era, 13:00etik 14:00etara.
Albiste gehiago gizartea
Loiolako kuartelen salerosketaren eskriturak uztailaren 23an sinatuko ditu Donostiako Udalak
Salmenta horri esker 1.700 etxebizitza babestu baino gehiago eraiki ahal izango dira eremu horretan. Eskriturak sinatzen diren unetik aurrera, militarrek lau urteko epea izango dute eremutik joateko.
Bi pertsona salatu dituzte Dantxarinean, kalean bi arma erreplika erabiltzeagatik
Foruzaingoak bi erreplika atzeman ditu; zehazki, subfusil bat eta pistola bat.
Gorroto delituak %13,8 jaitsi ziren iaz Estatuan, baina Nafarroak eta EAEk izan zuten intzidentzia tasarik handiena
Nafarroaren intzidentzia tasa 14 kasukoa zen 100.000 biztanleko, Euskal Autonomia Erkidegoaren aurretik (10,8). Arrazakeria edo xenofobiagatik egindako gorroto delituak izan ziren ugarienak (804), 2023an baino % 6,07 gutxiago zenbatu arren. Aitzitik, antisemitismoarekin lotutakoak igo ziren gehien (% 60,9).
Gallartako ostalaritza-lokal bateko jabeak eta zerbitzaria atxilotu dituzte, droga-trafikoagatik
Lokalaren eta atxilotuen etxebizitzetako erregistroetan, ia 200 gramo kokaina, MDMA dosiak, haxix-bolak eta tabletak, droga pisatzeko eta dosifikatzeko beharrezko tresnak, gama altuko bi ibilgailu eta 411 000 euro atzeman ditu Guardia Zibilak.
Aretxabaletako osasun etxe berriak datorren astelehenean irekiko ditu ateak
Eusko Jaurlaritzak 5 milioi euro inguruko inbertsioa egin du 21 kontsulta eta lau solairu izango dituen zentro berria eraikitzeko. Berritasun gisa, lau solairuetako bat gizarte zerbitzuetara eskainiko da.
Euskadin bizi diren 16 eta 85 urte bitarteko emakumeen ia erdiak indarkeria matxista motaren bat jasan du noizbait
Indarkeria matxistari zifrak jarri dizkio Eusko Jaurlaritzak egindako inkesta batek, eta ondorio nagusia argia da: indarkeria matxista presente dago EAEn bizi diren emakumeen bizitzetan eta egunerokoan, bikote-, familia-, lan- edo hezkuntza eremuan, ez ezik, ingurune birtualean ere.
Biktimen % 18,4k baino ez du jaso laguntza medikoa edo psikologikoa
Bikotearen barruan eta/edo kanpoan indarkeria jasan dutela adierazi duten emakumeen % 13,9k salatu du noizbait indarkeria hori, eta emakumeen % 16,6k adierazi du botikak, alkohola edo drogak hartu dituela bizitako indarkeriazko gertakariei aurre egiteko.
Bermeoko Madalen Egunetako teilak Palestinaren aldeko elkartasun mezua izango du
Horrekin batera, udalak dei egin die herritarrei Palestinaren aldeko elkartasun sinboloak erabil ditzaten (zapiak, banderak…), “mugak gainditzeko eta konpromiso kolektibo hori ikusarazteko”.
Felix Baumgartner austriarra hil da, 2012an estratosferatik jauzi egiteagatik ezaguna, parapente istripu batean
Muturreko desafioak egiteagatik ezaguna, 2012an mundu mailan egin zen ezaguna estratosferatik salto egiteagatik; munduko hiru errekor ezarri zituen horrela, besteak beste, soinuaren hesia ibilgailurik erabili gabe hautsi zuen lehen pertsona izatea.
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.