Sare: "Helmugara iristear gaude, helburuak betetzen, baina oraindik burutu gabe dagoen prozesu batean"
EH Bildu, Ahal Dugu, Junts, ERC, CUP eta BNG alderdietako eta hainbat sindikatutako ordezkariak ez ezik, kultura, unibertsitate edo kirol arloko ordezkaritza zabal bat ere batu da Bilbon ETAko presoen eskubideen alde milaka lagunek egin duten manifestaziora.
Milaka lagun batu dira larunbat arratsalde euritsu honetan Bilbon, ETAko presoen eskubideen urraketaren akabera aldarrikatzeko. Jendetsua izan da aurten ere "Ezin da gehiago luzatu" lelopean Sarek deitu duen manifestazioa.
Besteak beste, "salbuespen neurrien amaiera" galdegin dute gaurko hitzorduan, euskal presoak etxeratzea eskatzen zuten manifestarien oihuen artean. Protesta ekitaldian, Venezuelaren aldeko mezu eta keinuak ere entzun eta ikusi dira.
EH Bilduk garrantzitsutzat jo du, beste behin, euskal gizarteak bakearen, konponbidearen eta elkarbizitzaren alde egin izana. "Beste urte batez, Sare Herritarrak deitutako mobilizazioarekin modu masiboan bat egin, eta Bilboko kaleak bete dira. EH Bilduk euskal herritarrekin batera egon nahi izan du. Horregatik, gaurko mobilizazioan parte hartu dute, besteak beste, Arnaldo Otegik, Gorka Elejabarrietak, Laura Aznalek, Pello Otxandianok eta Miren Zabaletak", esan dute.
"Euskal gizartearen gehiengo zabal batek konpromiso argia agertu du bakearen, konponbidearen eta elkarbizitzaren alde. EH Bilduk, bere aldetik, euskal gizartearen nahi horren alde lanean jarraitzeko konpromisoa hartzen du. Agerikoa da azken urteotan aurrera urratsak eman direla elkarbizitza demokratikoaren eraikuntzan, baina orandik ere geratzen dira lanak egiteko", erantsi dute.
Besteak beste, EH Bildu, Podemos, Junts, ERC, CUP eta BNG alderdietako eta hainbat sindikatu, elkarte eta kultur mugimenduetako ordezkariak bildu dira manifestazioan. 17:00etan abiatu da Casillatik, eta udaletxe aurrean eman ditu azken urratsak, bertan hartu baitute hitza Sareko ordezkari Joseba Azkarraga eta Bego Atxak.
Hitzarte nagusia
Aitor Etxeberriazarragaren eta Xabat Ilarregiren bertsoak eta Pantxoa Karrereren eta Olaia Inziarteren doinuek eman diote sarrera amaierako berbaldiari.
Udaletxeko zabalgunera iristean, hitzarte nagusian, Atxak esan du "helmugara heltzear gaude, pixkanaka 2014an ezarritako helburuak betetzen ari gara: presoen eskubideen urraketaren bukaera eta espetxe politika arrunt baten ezarpena".
"Baina prozesua ez da oraindik amaitu. Soilik guztiok batera giza eskubideak aldarrikatzen baditugu lortuko dugu hamarkadak iraun duen gatazka eta sufrimendu honi bukaera ematea. Euskal gizartearen konpromisoari esker erdietsiko ditugu bakea eta bizikidetza", azpimarratu du Atxak.
Hori horrela, iritzi dio ezin direla egoera bidegabeak denbora gehiagoz luzatu. "Elkarrekin elkarbizitza demokratiko bat eraikitzeko ordua da, aitortzan eta errespetuan oinarrituta dagoena, eta gizabanakoen eskubideak babesten dituena", adierazi du Atxak.
Nolanahi ere, argi utzi nahi izan du prozesu horretan batzuk soberan daudela, "biktimen mina eta sufrimendua interes politikoetarako baliatzen dutenak, edota biktimak kategoria ezberdinetan sailkatzen dituztenak, adibidez". "Soberan daude, baita ere, espetxe eskubideen urraketan tematuta egonik ere, beren buruen autokritikarik egiten ez dutenak, mendekuan eta gorrotoan oinarritutako estrategia dutenak", gaineratu du.
Bukatzeko, esan du Euskal Herrian bizikidetza ez dela ahanzturaren fruitu izango, egiarena eta aurrera egiteko borondatearena baizik. Horretarako, beharrezkotzat jo du hormak zeuden tokian zubiak altxatzea, korapiloak askatzea eta besteak onartzea norbera izateari utzi gabe.
"Memoria kolektibo baten alde egiten dugu, hausnakerta kolektibo baten alde. Indarkeriarik gabe izanik ere, bakeak ez baitu merezi bidegabekeriak badaude eta memoriarik ez badago", erantsi du.
Amaitze aldera, biktima guztien mina errespetatzea eskatu du. "Ezin da haien sufrimendua gutxietsi, ezta interes partidistengatik manipulatu ere. Haien memoria etika publikoaren oinarri izan behar da. Horregatik, onarpena behar dute torturatuak izan diren pertsonek, segurtasun indarren esku hildakoek, hots indarkeria guztien biktimek".
EH Bildu eta koalizio hori osatzen duten alderdiak, Ahal Dugu, EH Bai, Junts, ERC, CUP, BNG eta Mes Per Mallorca izan dira manifestazioan.
ELA, LAB, ESK, Steilas, HIRU, EHNE, CGT, CNT eta Etxalde sindikatuek, Etxeratek, Gure Eskuk, EHko Torturatuen sareak, Bilgune Feministak, Harrerak, ANCk, Omnium Culturalek, L'Advocacia Catalunya koordinakundeak, eta Sortuk, Ernaik, Eusko Alkartasunak eta Gazte Abertzaleak elkarteak ere bat egin dute deialdiarekin.
Zure interesekoa izan daiteke
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.
David Sanchezek ukatu egin du kontratazioetan eragin izana: "Ez daukat horretarako ahalmenik"
Badajozko Lurralde Auzitegian egiten ari diren epaiketan, David Sanchezek, Pedro Sanchez Espainiako Gobernuko presidentearen anaiak, ukatu egin du kontratazioetan eragin izana; ez Badajozko kontserbatorioko koordinatzaile gisa berak lortu zuen lanpostuan, ezta Luis Carrero lagunari esleitu ziotenean ere. "Ez dut horretarako ahalmenik, ezta informazio administratiborik ere", esan du.
Estebanek eta Anduezak bien arteko desadostasunen kontua arindu eta Jaurlaritzaren batasuna goraipatu dute
Desadostasunak gorabehera, EAEko erakunde nagusietan koalizioa osatzen duten bi alderdietako buruzagiek azpimarratu dute bat eginda lan egiten dutela "herria aurrera ateratzeko".
UCOk Tubos Reunidosen Bilboko egoitza miatu du
Erregistroa hamar orduz luzatu da. Leire auziaren sekretupeko pieza baten barruko jarduketa bat da, eta Santiago Pedraz Auzitegi Nazionaleko epailearen aginduz egin dute.
UCOk PSOE seinalatu du Leire Diezen sarearen ordainketa guztien "jatorri" gisa
Atestatuan, Guardia Zibilaren Unitate Zentral Operatiboko agenteek ustezko ordainketetako batzuk xehatu eta hainbat adibide jarri dituzte.
2027ko aurrekontuak aurkezteko izapideak abiatu ditu Espainiako Gobernuak
Elkarrizketarako "eskuzabaltasuna, erantzukizuna eta konpromisoa" eskatu dizkie Espainiako gobernuburuak Kongresuko taldeei, eta bereziki zuzendu zaie Euskal Herriko eta Kataluniako alderdi independentistei eta nazionalistei.