Gizon batek eraso egin dio emakume bati Gasteizen
Gizon bat emakume bat bortxatzen saiatu da egin dio emakume bati Gasteizen, Zabalgana auzoan, Eusko Jaurlaritzaren Segurtasun Sailak jakinarazi duenez. Ertzaintzak 35 urteko gizon bat atxilotu du, sexu-eraso ahalegin baten ustezko egilea delakoan. Atxilotua epailearen esku utzi dute astelehen honetan.
Segurtasun Sailaren esanetan, erasoa igande goizaldean jazo zen, hilaren 12an. 03:00ak aldera jakinarazi zioten Ertzaintzari emakume bat negarrez ari zela Zabalgana auzoko etxe baten atarian. Herritarren babeserako patruila batek bertan aurkitu zuen emakumea; oinutsik eta arropa gutxirekin zegoen, eta ezpainetan lesio bat zuen.
Emakumeak jakinarazi zuenez, bertako etxebizitza batean bizi zen gizon bat berarekin harremanetan jarri zen, diruaren truke sexu-harremanak izateko. Etxebizitzan zegoela, bezeroari aldez aurretik adostutako zenbatekoa ordaintzeko eskatu zion. Gizonak erantzun zion gela batean zeukala dirua, eta hara joan ziren, baina, bat-batean, emakumea ohe gainera bota zuen, eta haren gainean jarri zen. Eskuekin jo eta lepotik heldu zion, eta, borrokan aritu ondoren, emakumeak ihes egitea lortu zuen.
Ebasketa-delitu bat
Bertaratutako ertzainek gizonezkoa identifikatu zuten, biktimak adierazitako etxebizitzan baitzegoen, eta atxilotu egin zuten. Emakumeak egindako salaketaren arabera, bere gauzak etxe barruan utzi zituen etxebizitzatik alde egin zuenean, diru-zorro bat tartean, eta, ondoren, 50 euroko billete bat falta zitzaiola egiaztatu zuen. Hori guztia dela eta, atxilotuari eginbideak ireki zaizkio, ebasketa-delitu bat egotzita.
Biktima Gasteizko ospitale batean artatu behar izan zuten, eta atxilotua astelehen honetan eraman dute epailearengana. Gizonak polizia-aurrekariak ditu, besteak beste, iaz antzeko gertakari batengatik atxilotu baitzuten.
Zure interesekoa izan daiteke
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.