Zaldibarko sutea gaur-biharretan itzali dezakete
Zaldibarko luizian piztutako sutea gaur-biharretan itzaltzea aurreikusten du Eusko Jaurlaritzak, EiTBri baieztatu dionez. Atzo sartu ziren hondeamakinak sutearen beheko eta erdialdeko guneetara, eta lurra botatzen hasi ziren. Gaur, goialdeko fokua dagoen lekura sartzen ahaleginduko dira.
Iñaki Arriola Ingurugiro, Lurralde Antolakuntza eta Etxebizitza sailburuak, gazteleraz bakarrik egin dituen adierazpenetan, jakinarazi du sutearen fokuetako bat itzaltzea lortu dutela, jada, eta "laster" dena itzalita egotea espero duela gaineratu du.
Otsailaren 6an etorri zen behera hondakindegia, eta ordutik, bi langile daude desagertuta. Horiek bilatzeko lanak, hainbat aldiz etenda egon dira, amiantoa aurkitu zutelako aurrena, eta lurraren ezegonkortasunarengatik ondoren. Azken orduotan, eremu jakin bat zehaztu dute, luizia izan zenean langileak non egon zitezkeen kontuan hartuta, eta toki horretan ari dira bilaketa egiten.
Zabortegian piztutako suteen ondorioz, dioxina eta furano ezohiko maila altuak neurtu dituzte, hirigune batean normala baino 40 aldiz gehiago. Erretako plastikoek eragiten dituzten substantziak dira. Ez dira kaltegarriak, baina bai luzez arnasten badira. Hori dela eta, ostiral arratsaldean, Osasun Sailak bi gomendio eman zizkien Zaldibarko, Ermuko eta Eibarreko bizilagunei: aire librean ariketa fisikorik ez egin eta etxeak ez aireztatzea.
Iñaki Berraondo Osasun sailburuordeak prentsaurrekoan esan zuenez, neurri "prebentiboak eta bermatzaileak" dira. Partikula toxikoek epe luzera minbizia eragin dezakete gorputzean pilatzen badira. Plastikoak eta kloroa erretzen direnean sortzen dira partikulak.
Herritarrak, haserre
Kezkatuta eta haserre daude zabortegiaren inguruko herritarrak, eta Eusko Jaurlaritzaren kudeaketa salatu dute. Atzo, milaka lagun atera ziren kalera Eibarren, Zaldibarren eta Ermuan, 'Zaldibar argitu orain' lelopean. Ezer baino lehen, lur-jausia izan zenetik desagertuta dauden bi langileen bilaketa lehenesteko eskatu zuten herritarrek, eta gertatua argitzeko eta erantzukizunak zehazteko eskatu zioten Jaurlaritzari.
Hiru herri horietako biztanleei, inguruko zein Bizkaiko eta Gipuzkoako beste hainbat herritar elkartu zitzaizkien protestan. Sirena eta txistu hots ugari entzun ziren ibilbidean zehar, baita "Arriola dimisioa" gisako leloak. Manifestari askok maskarilak jantzita egin zuren ibilbidea.
CONTENIDO NO ENCONTRADO
Zure interesekoa izan daiteke
Emakume bat oso larri zauritu da N-121 errepidean, Bardean, auto batek eta kamioi batek elkar jota
Talkaren ondorioz, kamioia erabat erre da, baina gidaria ibilgailutik atera ahal izan da eta onik atera da. Autoko gidaria, aldiz, 32 urteko Tuterako bizilaguna, autoan harrapatuta geratu da eta suhiltzaileek askatu behar izan dute, 112-SOS-Nafarroak jakinarazi duenez.
Leonardo borraskak gutxienez 7 zauritu, desagertutako emakume bat, Grazaleman (Cadiz) husteak eta gainezka egindako ibaiak utzi ditu
Pasa den astelehenean Leonardo borraska Andaluziara iritsi zenetik, larrialdi zerbitzuek 2.231 intzidentzia baino gehiago kudeatu dituzte, eta Malagako Sayalonga udalerrian ibaira erori zen emakumearen bila jarraitzen dute. Egoera larriena Cadizen gertatzen ari da.
EHE-ko lau ekintzaile Baionako auzitegitik bota dituzte, euskaraz deklaratzen saiatzeagatik
Eraikin ofizial batean “Euskaraz bizi nahi dugu” leloa margotzeagatik auzipetuta daude lau lagunak eta gaur, epaiketan, euskaraz deklaratzeko eskubidea ukatu zaie, epaiketa bera “euskaldunok jasan behar ditugun eskubide urraketen beste adibide argi bat” bilakatu delarik, EHEren hitzetan.
Grazalema ur-jauziz inguratuta erakusten dute airetik hartutako irudi ikusgarriek
Azken orduotako euriteen ondorioz, metro karratuko 700 litro ur pilatu da Grazaleman (Cadiz). Guardia Zibilak airetik hartutako bideo honetan, herri oso bat ur-jauziz inguratuta ikus daiteke. Agintariek herria husteko agindua eman dute —1.500 herritar inguru—, badaezpada, uholdeek eragin ditzaketen kalteak direla eta.
Dei komertzialek 9 digituko zenbakiak erabiliko dituzte 400 aurrizkiarekin
Gainera, bezeroaren arretarako deiak soilik horretarako berariaz esleitutako zenbaki laburretatik, doako tarteetatik (800 eta 900) edo zenbaki geografikoetatik egin ahal izango dira.
Grazalematik alde egiteko agindua eman dute: Ura entxufeetatik eta etxeak ibai bihurtuta Leonardo borraskaren eraginez
Leonardo borraskak Andaluzia kolpatzen jarraitzen du, eta eguraldi iragarpenaren arabera, giro ezegonkorrak segida izango du asteburuan ere. Izan ere, Grazalemako etxebizitza askotan ura entxufeetatik atera da.
Hainbat kilometroko auto-ilarak Avanzadan, Leioa parean, hainbat ibilgailuk talka egin ostean
Trafiko-istripu batek zirkulazio-arazo handiak eragin ditu BI-637 errepidean, Avanzada tartean, Leioa parean, Erandiorako bidean.
Minbizia ez da borroka bat, ez da gerra bat
Minbizia borroka gisa definitzen da askotan, hizkera belikoa erabiltzen da, eta borroka hori irabazteko ardura pazienteari ematen zaio. Gaixoaren jarreran eta borondatean egiten da azpimarra, baina, hainbat ikerketa psikologikoren arabera, pentsamendu hori ez da batere egokia eta gaixotasuna gainditzea zaildu ere egiten du.
Herritarrak etxetik ateratzen hasi dira Grazaleman, azken orduotako uholdeak direla eta
Grazalema udalerriko (Cadiz) Ribera de Gaidovar inguruko bizilagunak etxetik ateratzen ari dira. Fresnillo presatik oso gertu bizi dira, eta ur-maila oso altua da han. Azken orduotan, metro koadroko 478 litro ur pilatu dira. "Alerta gorena" ezarri dute.
Telegrameko sortzaileak Sanchezen aurka egin du, sare sozialen plana dela eta: "Kontrolerako urratsak dira"
Mezua igorri die Estatu Espainiarreko erabiltzaileei, ohartaraziz Pedro Sanchezek atzo iragarritako neurriek "zaintzapeko estatu" bihur dezaketela Espainia, "babesaren aitzakian".