Arabako eta Balmasedako ikastetxe guztiak itxi dituzte
Eusko Jaurlaritzak Arabako eta Balmasedako (Bizkaia) hezkuntza zentro guztiak ixtea erabaki du koronabirusaren aurkako neurri gisa.
Asteazken honetara arte Gasteizkoak eta Arabar Errioxakoak soilik zeuden itxita.
Nekane Murga Eusko Jaurlaritzaren Osasun sailburuak premiazko agerraldia egin du gaur arratsaldean aurrerantzean indarrean izango den neurriaren berri emateko eta pandemiaren datuak eguneratzeko.
Goizean emandako datuen aldean, ez dago aldaketarik kutsatu kopuruan, 261 hain zuzen ere, eta horietatik 102 daude ospitalean. Hala ere, hildakoen kopuruak gora egin du, eta dagoeneko 9 dira EAEn.
Zenbatu dituzten bi hildako berriak Gasteizko 89 urteko gizonezko bat eta 94 urteko bizkaitar bat dira, biek aurretik gaixotasunak zituztenak. Gipuzkoan beste gizonezko baten heriotzaren berri eman dute gaur goizean: 86 urtekoa, eta lehendik gaixo zegoena.
Gainera, orain arte 12 adingabek eman dute positibo koronabirusarekin, guztiek Araban.
Sailburuaren esanetan, badakite hartzen ari diren neurriek eragina dutela, 68.000 ikasle izango baitira ostegunetik aurrera eskolak jaso ezingo dutenak. Baina Covid19ri aurre egiteko ardura herritarrekin partekatu beharra dagoela defendatu du.
Arabako eta Balmasedako hezkuntza zentroak ixteko erabakia hainbat positibo jaso ostean iritsi da, eta sailburuak berretsi du ez dela gazteak arriskuan daudelako, baizik eta herritar ahulagoei kutsatzeko arriskuagatik.
Murgak esan du uneotan ez dutela aurreikusten Bizkaian eta Gipuzkoan ikastetxeak ixtea, baina aitortu du egoera "aldakorra" dela, eta horren arabera hartuko dituztela erabakiak.
Bestalde, Eusko Jaurlaritzak Eudeli aholkatu dio itxi ditzatela erkidego osoko adinekoentzako aisialdi zentro guztiak.
Zure interesekoa izan daiteke
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. EAEn ez dago horralako eremurik, bai, ordea, Nafarroan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.
Gazteek inoiz baino gutxiago edaten eta erretzen dute, baina Euskal Herrikoak cannabisaren kontsumoaren buruan daude
ESTUDES txostenak egiaztatu duenez, alkoholaren, tabakoaren eta cannabisaren kontsumoak behera egin du Euskadiko nerabeen artean, azken 25 urteetako mailarik baxuenetara. Hala ere, Euskadi kalamuaren kontsumoaren buruan dago 14-18 urte bitarteko adingabeen artean, eta Estatuko mozkorraldien tasarik handiena ere badu.
Albiste izango dira: Eskola jazarpenaren aurkako eguna, klima aldaketari buruzko goi bilera eta abisu horia itsasaldeko arriskuagatik
Gaurkoan Orain-en albiste izango direnen laburpena, bi hitzetan.
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberjazarpena gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.