Koronabirusak ekonomia gogor joko duela uste dute euskal herritarrek
Euskal gizartearen ustez, koronabirusaren krisiak eragin zuzena izango du ekonomian eta gogor astinduko du. Hori da hemeretzigarren EiTB Focus inkestak jaso duen datuetako bat. Inkestak, oraingoan, koronabirusak sortutako osasun-krisiaren gainean galdetu die herritarrei.
Hemeretzigarren EiTB Focus hau berezia da, eta apirilaren 11ra arte luzatuta dagoen alarma-egoeraren bigarren astean egin dute. Makroinkestaren arabera, alarma-egoerak agindutako konfinamendua eraginkorra izango da: hala diote herritarren % 91k. Konfinamenduari dagokionez, % 36k diote ohiko egoera baino gogorragoa dela.
Krisi honek ekonomian izango duen eraginaren gainean, euskal herritarrek uste dute eragin hori oso edo nahiko gogorra izango dela, arlo guztietan; hala diote inkestatuen % 90ek baino gehiagok Euskadiko ekonomiari dagokionez, eta % 95ek baino gehiagok Espainiari eta munduari dagokionez. Ekonomia pertsonalari buruz, Euskadiko herritarrak pixka bat baikorragoak dira, baina % 46k uste dute eragina oso edo nahiko handia izango dela. Soilik % 14,6k pentsatzen dute krisi honek ez duela eraginik izango euren ekonomia pertsonalean.
Euskal Autonomia Erkidegoko herritarren % 35 beldur dira, uste dutelako lanpostua galtzeko arriskuan daudela. 18 eta 35 urte arteko gazteak bereziki dira horren beldur (horien % 37k uste dute hori gerta litekeela).
Euskal herritarren bi heren "oso edo nahiko" kezkatuta dago koronabirusaren epidemiagatik, eta % 88k hartu dute etxean garbitasun-neurri osagarriren bat COVID-19 gaitzaren kutsadura saihesteko, hemeretzigarren EiTB Focusen arabera. Inkestak, oraingoan, koronabirusak sortutako osasun-krisiaren gainean galdetu die herritarrei.
Inkestak ondorioztatzen duenez, Euskadiko herritarren % 68 oso kezkatuta (% 24,6) edo nahiko kezkatuta (% 43,3) daude COVID-19 gaitzak kutsatzeko arriskuagatik. 18-35 urte arteko gazteak daude oso edo nahiko kezkatuta; adin-tarte horretako herritarrek 65 urtetik gorakoen datua gainditu dute (65 urtetik gorakoen % 68 daude oso edo nahiko kezkatuta, datu orokorrarekin bat eginda).
EAEko herritarren % 88,4k adierazi dute garbiketa-neurri osagarriak hartu dituztela etxean, kutsadura saihesteko. 18 eta 35 urte bitartekoek bereziki hartu dituzte neurri horiek; izan ere, horien ia % 97k egin dute.
Konfinamendua eraginkorra izango da COVID-19 gaitzak aurrera egitea saihesteko; hala diote herritarren % 91k. % 90ek adierazi dute ez direla etxetik irten erosketak egitera beharrik gabe, soilik aireztatzeko; hala ere, % 30ek diote etxetik ez irteteko araua betetzen ez duen norbait ezagutzen dutela auzoan.
Euskal herritarren herenak, % 36k hain zuzen ere, uste du konfinamendua ohiko egoera baino gogorragoa dela; % 11k esan dute oso gogorra dela. 65 urtetik gorako herritarren % 17k uste dute azken hori. Ekonomian eta enpleguetan izango duen eragina.
Fitxa teknikoa
Gizakerrek EiTBren informazio-zerbitzuetarako egindako inkesta EAEn bizi diren 600 pertsona elkarrizketatuta egin da (Arabako 200, Bizkaiko 200 eta Gipuzkoako 200).
La= ±% 2,83, konfiantza-maila % 95, p=q=0´5, EAEko datuetarako.
Inkesten % 24,5 euskaraz egin dira, eta gainerako % 75,5, gaztelaniaz. Inkesta hori egiteko hautatutako udalen populazio-tamainagatik haztatutako erabateko emaitzak dira.
Landa-lana 2020ko martxoaren 24an eta 25ean egin zuten, elkarrizketak telefonoz eginez. Galdeketen batez besteko iraupena 6,66 minutukoa izan zen: motzenak 4 minutu iraun zuen, eta luzeenak, 13 minutu.¿
Zure interesekoa izan daiteke
Hilda topatu dute Arredondon, Kantabrian, desagertutako mendizale bilbotarra
Goizeko lehen orduan aurkitu dute haren ibilgailua, eta, horri esker, mendizalea inguru horretan zebilela baieztatu, eta bilaketa-eremua mugatu dute.
Iruñea kolorez eta euskararen aldeko aldarrikapenez bete du Korrikak
Milaka lagun korrika ibili dira Nafarroako hiriburuko kale eta auzoetan barrena, euskararen aldeko festa jendetsu bihurtuta. Adin guztietako pertsonak bildu dira Iruñean, indarrak hartu ondoren, kaleak energiaz, emozioz eta konpromisoz betez.
Albaceteko zale batekin eztabaidatu ostean hil den Racingeko zale baten heriotza ikertzen ari dira
Ikerketaren gertuko iturriek baieztatu dutenez, gertakariaren jatorria ez dago futbolarekin lotuta, ezta bi taldeetako jarraitzaileen arteko borrokaldi antolatu batekin ere.
EITBk Korrikaren lekukoa eraman du Iruñean
Euskararen aldeko lasterketak EITBren babesa jaso du aurten ere. 24. Korrikaren 763. kilometroa korritu du EITBk, Iruñean, Sadar kalean. Arnaitz Fernandez ("Eguraldia") eta Amaiur Elizari ("Navarra Hoy") aurkezleek eta Iruñeko egoitzako lankideek eraman dute lekukoa Nafarroako hiriburuan.
Arrazakeriaren aurkako 29. martxak etorkinen erroldatzeko eskubidearen alde egin du
500 bat lagunek hartu dute parte gaur Pasaia eta Donostia arteko manifestazioan. SOS Arrazakeriak Arrazakeriaren eta Xenofobiaren aurka antolatutako XXIX. Martxan, etorkinek erroldatzeko eskubidea dutela aldarrikatu dute.
El Bocal kostaldeko pasabidean hildakoak gogoratzeko eta justizia eskatzeko protesta egin dute Santanderren
El Bocaleko pasabidean izandako ezbeharrean hildako sei gazteak gogoratzeko eta justizia eskatzeko protesta egin dute ehunka pertsonak eta kolektibok Santanderren. "Egiaren eta biktimen duintasunaren alde" lelopean, hirigunea zeharkatu dute udaletxeraino, eta bertan manifestu bat irakurri dute haien omenez.
Gizon bat atxilotu dute Bilboko Zorrotza auzoan, bi edukiontzi erretzea egotzita, eta beste zortzi erre ote dituen ikertzen ari dira
Atxilotuak bi edukiontzi erre dituela aitortu du. Sua bizkortzeko asmoz manipulatutako metxero bat zeraman aldean atxilotu dutenean.
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.