44 hildako EAEn eta 17 Nafarroan, azken orduetan
Koronabirusaren pandemia dela eta, 518 positibo gehiago zenbatu dituzte EAEn azken 24 orduetan, eta 369 dira hildakoak jada, bezperan 44 hil ondoren, pandemia hasi zenetik kopururik handiena, hain zuzen.
6.838 pertsona kutsatu dira EAEn, eta sendatutako eta alta emandako pertsonen kopurua 2.165 da, Espainiako Osasun Ministerioak emandako azken datuen arabera. Ospitalean, berriz, 1.908 lagun daude, bezperan baino 103 gutxiago.
Datu horiek publiko egin aurretik, Josu Erkoreka Eusko Jaurlaritzako bozeramaileak dagoeneko ohartarazi du asteazkeneko zenbakiak ez zirela aurreko egunetakoak bezain "onak" izango, eta atzoko egunean 1.500 test egin zituztela esan du, orain arteko kopururik altuena, baina, era berean, esan du egin diren testen positiboen portzentajea "itxaropentsuagoa" dela.
Hortaz, Pandemia egonkortu egin daitekeela uste du Eusko Jaurlaritzak, eta datu txarrak testen gorakadari eta gaixoen larriagotzeari egotzi dizkio.
Lurraldez lurralde aztertuta, Araban, 2.250 positibo daude (bezperan baino 145 gehiago), 369 ospitaleratuta. Bizkaian, 3.382 positibo daude (280 gehiago), 1.179 ospitalean. Gipuzkoan, 1.206 positibo daude (93 gehiago), 360 ospitalean.
Nafarroan ere gora egin dute hildakoek
17 pertsona hil dira azken 24 orduetan Nafarroan, koronabirusa dela eta. Hala, oraingoz 130 dira birus horren ondorioz Foru Erkidegoan hildakoak, Espainiako Osasun Ministerioak jakitera eman duenez.
Guztira, 2.497 pertsonak eman dute positibo, azken 24 orduetan 192 positibo gehiago izan baitira. Positibo horien artean, 1.120 ospitaleratu dituzte, eta horietako 104 zainketa intentsiboetako unitatean sartu dituzte, bezperan baino bost gehiago.
Sendatu diren gaixoen kopurua 192 izatetik 236 izatera pasatu da Foru Erkidegoan.
100.000 biztanleko intzidentzia metatua 322.68 da Nafarroan, Espainiako batez bestekoaren gainetik (188,02).
Egun batean hildakoen marka hautsi du Espainiak
Espainian, 102.136 koronabirus kasu zenbatu dituzte, hau da, astelehenean baino 7.719 gehiago, Osasun Ministerioak asteazken honetan argitaratutako azken datuen arabera. Gainera, dagoeneko 9.000 hildakotik gora zenbatu dituzte (9.053, hain zuzen, atzo baino 864 gehiago eta eguneko markarik handiena).
Izan ere, 22.647 pertsona sendatu dira, bezperan baino 3.388 gehiagok jaso baitute etxera joateko baimena, eta 5.872 paziente zenbatu dituzte zainketa intentsiboetako unitatean, astelehenean baino 265 gehiago.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.