153 pertsona hil dira Gipuzkoako egoitzetan, beste lau pertsona hil ondoren
Azken orduetan lau pertsona hil dira Gipuzkoako hirugarren adinekoen egoitzetako foru sarean koronabirusaren ondorioz, eta 153ra igo da hildakoen kopurua. Sei erabiltzaile berrik positibo eman dute, eta beste 23 osatu dira gaixotasunetik.
Eider Mendoza Aldundiko bozeramaileak ohar baten bidez jakinarazi duenez, azken heriotzak GSR Aretxabaleta, La Paz (Donostia), Egogain (Eibar) eta San Jose (Ordizia) zentroetan izan dira.
Foru erakundeak nabarmendu duenez, azken 24 orduetan 23 egoiliar sendatu dira gaixotasunetik. Beraz, gaur egun, Gipuzkoako 65 zentroetako 5.425 erabiltzailetik 153 hil dira, 189k COVID-19a gainditu dute eta 202k diagnostiko positiboa dute. Horietatik 32 Donostiako Gurutze Gorriaren zentro soziosanitarioan daude, eta 35 ospitalean.
Mendozak azpimarratu duenez, Caser Residencial Betharrameko azken kaltetua berreskuratu ostean, dagoeneko ez da gaixorik geratzen zentro horretan, eta, beraz, 15 dira COVID-19ak kaltetutako pertsonak dituzten egoitzak.
Arabari dagokionez, joan den ostegunean emandako azken zatiaz geroztik, ez da hildakorik izan lurraldeko adinekoen egoitzetan. Gainera, behera egin du kutsatuen kopuruak, eta gora sendatu diren gaixoen kopuruak.
Aldundiak pandemiaren bilakaeraren balantzea eguneratu du ostiral honetan, apirilaren 22ko datuekin. Krisia hasi zenetik 134 hildako zenbatu dituzte, eta egungo kutsatuen kopurua 300 erabiltzailekoa da, kopuru txikiena apirilaren 3tik. Gainera, 112 egoiliarrek gaixotasuna gainditu dute.
Hildakoetatik 72 zentro pribatuetan bizi ziren, 60 foru egoitzetan eta 2 udal ekipamenduetan.
Kasu positiboetatik 164 instalazio pribatuen erabiltzaileak dira, 134 foru egoitzetan bizi dira eta 2 udalen baliabideetan.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.