Salaketekin jarraitu arren, neurri berriekin jarrera didaktikoa izango du Ertzaintzak
Josu
çytrewqlkjhgfds Bujanda Ertzaintzako buruak azaldu duenez, asteburu honetan indarrean sartuko diren konfinamenduaren neurri berriekin lotuta, agenteek jarrera "didaktikoa" izango dute; hau da, jendeari araudi berria "azaldu" eta neurri berriak betetzea eskatuko die, baina "arauak behin eta berriro urratzen dituztenak eta urraketa larriak salatuko ditu".
Honen harian, Euskadi salaketa gutxien jarri dituen bigarren erkidegoa dela nabarmendu du Bujandak; 19.000 inguru zenbatu dituzte asteazkenera arte.
Onda Vascan egindako elkarrizketan, jendeak COVID-19aren pandemiak eragindako konfinamenduan izandako portaera "eredugarria" azpimarratu du Bujandak, eta araudian izandako aldaketak, oro har, bete egin direla esan du.
Bujandak aditzera eman duenez, "gizonezko eta emakumezko batzuek ez dituzte konfinamenduan indarrean sartu diren neurriak errespetatu, eta kasu horiek salatu behar izan ditugu".
Kontrol gehiago, maiatzeko zubian
Alarma-egoeran murrizketak betearazteko egiten diren kontrolei dagokienez, maiatzeko "zubi luzean" kontrolak areagotu egingo direla iragarri du Bujandak herritarrak euren bigarren etxebizitzetara joatea galarazteko. "Beti dago lanera doazen gidarien artean sartu eta euren bigarren etxebizitzetara joateko aprobetxatu nahi duenik", azaldu du.
Deseskalatze plana
Larunbatean sartuko diren neurri berriei begira, Ertzaintzak arau berrien "gutxi gorabeherako ezagutza" duela azaldu du, Pedro Sanchezen gobernuak orain arte jakitera emandakoa, baina Espainiako Aldizkari Ofizialean publikatzen dutenaren zain daude, xehetasun guztiak irakurtzeko eta agenteek dena "argi" izan dezaten.
Albiste gehiago gizartea
Kobetamendiko karabana eta autokarabanen gunea martxan izango da igandetik aurrera, Bilbao BBK Live jaialdia amaitu ostean
Udalak instalazioak berritu berri ditu, azken urteetan izandako erabiltzaileen gorakada nabarmenari erantzuteko. Hemendik aurrera Bilbao Caravan Park izena izango du. Azpiegitura nagusi berri bat sortu da eta instalazio zaharra eraldatu da.
Espetxera bidali du epaileak Anoetan txirrindulari bat harrapatu eta hiltzea leporatuta atxilotutako gidaria
Istripua ostiral arratsaldeko zortzietan gertatu zen, eta bertaratutako osasun-zerbitzuek Zizurkilgo 53 urteko kirolariaren heriotza baieztatu besterik ezin izan zuten egin.
Bilboko Konpartsek jai giroan abiatu dute Aste Nagusirako atzerako kontaketa
Urtero bezala, hainbat ekitaldi antolatu dituzte, konpartsa guztietako kideei eta bilbotarrei zabalik, konpartsakidetzera animatu daitezen, Aste Nagusia eta gainerako jaiak bizitzeko oso modu berezia baita. Bilboko Aste Nagusiari hasiera emateko hilabete eskas geratzen dela gogorarazi dute Bilboko Konpartsek, adiskide arteko giroan, Konpartsakide Egun honetan.
Ibiko suteak ez du sugarrik, eta Navaluengakoak jada 1.500 hektarea erre ditu
Ibin (Alacant), Font Roja parke naturaletik gertu, piztutako baso-sutea perimetratzea lortu dute, eta jada ez du sugarrik. Hala ere, suak martxan jarraitzen du Navaluengan (Avila), 26 kilometroko perimetroarekin, eta 1.500 hektarean da jada.
Zaleak prest Peyresourden, Frantziako Tourraren 14. etapa ikusteko
Familia eta kuadrila asko hiru egun lehenago bertaratu dira lekurik onena hartzera, eta giroaz gozatzera. Hala, dozenaka karabana eta furgonetek kanpaleku erraldoia sortu dute egunotan.
Euskal Herria, arrazakeriaren aurrean, erantzun antolatua
Nafarroako eta Bizkaiko arrazismoaren aurkako kolektiboek elkarretaratzeak egin dituzte larunbat honetan, gorrotoak eta indarkeria arrazistak gora egin dutela salatzeko.
18 urteko pertsona bat zauritu da Arroitzen, auto istripu batean
Zauritua Nafarroako Unibertsitate Ospitalera eraman dute, pronostiko erreserbatuko politrauma batekin.
Euromillones zozketak milioi bat euroko saria utzi du Donostian
Gipuzkoako hiriburuko 13. administrazioan baliozkotu dute saria, Madril etorbideko 24. zenbakian, Amara auzoan.
Samaniegon desagertutako 70 urteko gizon baten bila ari dira
Desagertua ostiral arratsaldean ikusi zuten azkenekoz; bilaketa Arabako Errioxako landa-eremuan egiten ari dira.
Euskararen aurkako azken epaia salatzeko elkarretaratzeak egin dituzte ehun bat herritan eguerdian
UEMAko presidenteak larritzat jo du Espainiako Auzitegi Gorenaren epaia, eta “adostasun sendoak” behar direla nabarmendu du Martin Aranburu lehendakariak. Euskarak lege-babesa behar duela azpimarratu du eta elkarrekin aritzeko deia egin die alderdi politikoei, euskal eragileei eta herritarrei.