Hildako bat Gipuzkoako egoitzetan, kasu berririk erregistratu gabe
Pertsona bat hil da azken orduetan Gipuzkoako egoitzetan, eta bigarren egunez jarraian ez da COVID-19aren kasu positibo berririk erregistratu.
Eider Mendoza foru bozeramaileak Gipuzkoako egoitza horien egoeraren eguneroko balantzea egin du, eta 12 adineko gehiagok gainditu dutela gaixotasuna adierazi du.
Hildako pertsona Donostiako Berra zentroko bizilaguna zen, eta berreskuratutakoak Zumaiako Otezurin (5), Irungo Caser Anaka bizitegian (4) eta Eibarko San Andresen (3) bizi ziren.
Guztira, 239 adinekok jaso dute alta, 161 hil dira eta 148k diagnostiko positiboarekin jarraitzen dute.
Une honetan, hamabost egoitzak dituzte COVID-19aren kasu positiboak Gipuzkoan; 65 egoitza eta 5.425 plaza dituztenak.
Arabari dagokionez, laugarren egunez jarraian ez da hildako erabiltzailerik erregistratu egoitzetan, eta azken orduetan kutsatuen kopurua 226 pertsonatan kokatu da, martxoaren 31tik izandako kopururik txikiena.
Arabako Foru Aldundiak pandemiaren bilakaeraren azken datuen berri eman du, gaixotasuna gainditu dutenen kopuruak gora egin duen zentro horietan, guztira 190 egoiliar.
Sendatu berri diren gehienak gaixotasuna modu asintomatikoan pasatu duten egoiliarrak dira, berriki egindako test serologikoek atzeman dutenez.
Gaur egun, COVID-19a duten erabiltzaileak 226 dira, gehienak, 220, egoitzetan artatzen dira eta 6 ospitaleetara bideratu dira, osasun-egoera larria dutelako.
Kasu positibo guztietatik, 121 Araban dauden zentro pribatuen erabiltzaileak dira, 104 foru-egoitzetan bizi dira, eta falta den pertsona 20.000 biztanletik beherako udalerrietako ekipamendu batean.
Osasun krisia hasi zenetik, egoitzetako 136 erabiltzaile hil dira egoitza eta ospitaleetan. Horietatik 72 egoitza pribatuetan bizi ziren, 62 foru zentroetan eta gainerako biak 20.000 biztanletik beherako udalerrietako ekipamenduetan.
Albiste gehiago gizartea
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.