Biocruces COVID-19a atzemateko aplikazio batean ari da lanean
Adimen artifizialak covid-19a gure ahotsaren bidez atzeman daitekeela erakutsi nahi du.
Biocruces Bizkaia institutua gaitza pertsona baten ahotsean edo eztulean identifikatzeko algoritmo bat erabiltzen duen aplikazio batekin ari da lanean.
Covid-19a entzuteko gaitasuna lortu nahi dute, Biometric Vox enpresa espainiarrak sortutako aplikazio bat erabiliz.
Lehen fasea patroiak identifikatzean datza, PCR probetan positibo edo negatibo eman duten gaixoen ahotsaren laginak batuz.
Aplikazioak datu pertsonal batzuk eskatzen ditu, sintomen inguruan galdetzen du (sukarra, eztula…) eta eztularen eta ahotsaren grabaketak jasotzen ditu 100 parametro baino gehiago neurtzeko.
"Arnas gaixotasunen kasuan, ahotsean frekuentzia aldaketak ematen direla ikusi ahal izan dugu. Covid-19aren kasuan, patroi diferentzialak daude eta eztula lehorragoa da. Hori dela eta, gaixoak identifikatzeko erabili ahal izango da", azaldu du Iñaki Gutierrez BIOEFeko zuzendariak.
Grabaketa horiekin hiru profil identifikatuko dira: covid-19a duten pertsonak, bestelako arnas gaixotasunak dituztenak eta pertsona osasuntsuak.
Bigarren fasean, patroi horietatik abiatuta, aplikazioa prest egongo litzateke lehen mailako arreta zentroetan erabiltzeko eta kutsatzeak atzemateko. Ondoren, test batekin baieztatu beharko dira.
Azkenik, helburua edozein pertsonak mugikorrean zein tabletean erabili ahal izatea da. Aplikazioaren helburua gaixotasuna bahetzea da, osasun-sistemari laguntzeko.
Albiste gehiago gizartea
Motorzale bat larri zauritu da Bidankozen, auto batekin talka egin eta aldapa batetik behera erorita
Ezbeharra igandean jazo zen, 19:45ean, NA-2130 errepideko 8,9 kilometroan. Zauritua Nafarroako Unibertsitate Ospitalera eraman zuten, femurra hautsita.
Zerura begira, San Joan bezperan
Iparraldean ostarteak zabalduko dira, baina adi hegoaldean, iluntzean trumoi-zaparradak botako ditu eta.
Bederatzi pertsona zauritu dira auto batek harrapatuta, Galdakaon
Auto erakusketa bateko hainbat ikusle zauritu dira Galdakaon (Bizkaia), parte hartzen ari zen autoetako batek harrapatuta. Zaurituak ospitalera eraman dituzte. Motor Show ikuskizunean gertatu da ezbeharra, Urreta auzoko San Juan jaietan. Dirudienez, ibilgailua kontrola galdu du biribilgune batean derrapatu ondoren, eta hesiaren atzean zeuden ikusleak aurretik eraman ditu.
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.