Ikastetxeak maiatzean berriz irekitzearen aurka agertu da Kristau Eskola
Maiatzean ikastetxeak berriz irekitzeko asmoa bertan behera uzteko eskatu dio Kristau Eskolak, Euskadiko itunpeko ikastetxeen elkarte nagusiak, Eusko Jaurlaritzari, eta, nolanahi ere, eskoletarako itzulera Batxilergoko eta Lanbide Heziketako bigarren mailako ikasleetara mugatu dezala, ekainera arte atzeratuz, betiere "behar besteko osasun bermeak emanez gero".
Euskadiko kristau ikastetxeen sarea osatzen duen elkarte horrek 128 ikastetxe biltzen ditu, eta ikasgelak irekitzeko plana berrikusteko eskatu dio Eusko Jaurlaritzari ohar baten bidez. Izan ere, Batxilergoko 2. mailako ikasleak, Goi Mailako Lanbide Heziketako 1. eta 2. mailakoak eta Oinarrizko eta Erdi mailako Lanbide Heziketako 2. mailakoak datorren astelehenean itzuli beharko lirateke klasera. Astebete beranduago, berriz, DBHko 4. mailako, Batxilergoko 1. mailako eta Erdi Mailako Lanbide Heziketako 1. mailakoak itzuliko lirateke, beti ere, osasun egoerak aukera ematen badu.
Testuinguru horretan, ikasgelak "osasun eta segurtasun arrazoiengatik" ez irekitzeko eskatu du Kristau Eskolak, eta baita "ikastetxeek, irakasleek eta ikasleek egindako online lana kontuan izateko ere".
Ekainean, ordea, ikastetxeen "irekiera mugatua" egiteko aukeraren alde agertu da elkartea, betiere "behar besteko bermeak ematen badira" eta "hezkuntza-eragileekin nahikoa adostasun badago". Dena dela, "deseskalatze prozesuaren hurrengo fase batean" hartu beharreko neurria izango litzateke hori, "eta soilik Batxilergoko eta Lanbide Heziketako 2. mailako ikasleentzat".
Koronabirusaren eraginez, ikastetxeak "benetan kezkatuta" daudela esan du Kristau Eskolak, eta egoera berrira "egun batetik bestera" egokitzeko zentroek "ahalegin handia" egin dutela gogorarazi du. Halaber, ikasturte honetarako aurreikusitako "ikasketa plan osoa" goitik behera moldatu behar izan dutela nabarmendu du.
Horrenbestez, ikasturtea amaitzeko ikastetxeen irekierari buruzko plan bat aurkez dezala eskatu dio elkarte horrek Hezkuntza Sailari, "Osakidetzaren oniritziarekin". Ikasturte honi eta datorrenari begira, plan horrek honako gai hauek zehaztu beharko lituzke, besteak beste: garbiketa eta desinfekzio-neurriak, osasun-neurriak, langileak prestatzeko eta ikasleak eta familiak informatzeko jarraibideak, segurtasun-materialak hornitzeko bermeak, ikastetxeei arreta emateko zerbitzua eta zaintza epidemiologikorako jarraibideak.
Halaber, Hezkuntza Sailak beharrezko jarraibideak eman ditzala eskatu du, "ikastetxeek 2020/2021 ikasturteko lehen hiruhilekoa prestatu ahal izan dezaten", eta datorren ikasturteako "helburuak lortzeko" ikastetxeek "dagozkien egokitzapenak egin ahal izan ditzaten".
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.