Bizkaiko zahar-etxeetako 592 erabiltzaile kaltetuta daude, eta 923 sendatu dira
Mendekotasun-egoeran dauden adinekoentzako Bizkaiko egoitza-zentroen sareak COVID-19a duten 592 erabiltzaile ditu, eta horietatik 40 ospitaleratuta daude. Gainera, 923 egoiliarrek gaixotasuna gainditu dute, eta negatibo eman dute egindako probetan.
Joan den asteazkenean, maiatzaren 13an, Gizarte Ekintza Saileko Ikuskaritza eta Kontrol Zerbitzura helarazitako datuen arabera, adinekoentzako 155 egoitzetatik 40k COVID-19a atzemateko proban positibo eman duen erabiltzaileren bat daukate.
Bizkaiko egoitza-sareak 10.748 plaza ditu, eta COVID-19a duten 592 erabiltzaile ditu, joan den asteleheneko datuekin egindako azken zenbaketan baino 71 gutxiago. Horietatik 40 erietxean daude, bi egun lehenago baino sei gutxiago.
Proba diagnostikoetan negatibo eman duten erabiltzaileak 923 dira, azken zenbaketan baino 46 gehiago.
Gainera, koronabirus bidezko infekzio-kasuak artatzeko unitate soziosanitario espezializatuek egoitza-sarearen 43 eta 47 erabiltzaile hartzen dituzte Birjinetxen eta Unben, hurrenez hurren, eta 4 Santurtzin.
Langileak
Bizkaiko egoitzetan, 201 langilek eman dute positibo (19 gutxiago) eta 112 langile (6 gehiago) isolatuta daude, COVID-19a atzemateko proban positibo eman ez arren.
Bizkaiko sarean hildako pertsonei dagokienez, apirilean 247 pertsona hil dira koronabirusaren ondorioz. Gainera, beste 30 hildakok COVID-19a zuten susmoa dute.
LABen arabera, heriotza kopuru handiak agerian utzi du adinekoentzako gizarte-zerbitzuak "defizitarioak" direla
LAB sindikatuak salatu duenez, koronabirusak adinekoen egoitzetan izandako heriotza kopuru handiak (Euskadin hildakoen % 40) agerian utzi du kolektibo horrentzako prestazio sozialak "erabat defizitarioak" direla.
Sindikatu abertzaleak ohar batean azpimarratu du egungo kudeaketa eta babes sozialaren eredua, azpikontratazioan oinarritua eta "irabaziei lehentasuna" ematen diena, langileen zein erabiltzaileen prekarietatea areagotzen duela.
LABek titulartasun eta kudeaketa publikoko gizarte-zerbitzuen beharra azpimarratu du, "kapitalaren interesen gainetik bizitza bermatzeko". Koronabirusaren pandemiaren aurrean neurriak hartzerakoan, adinekoen kolektiboa ere kontuan hartzeko eskatu du, haiek baitira gaixotasun hori gehien pairatu dutenak.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.