Gobernuak eta autonomiek uda aurretik ekingo diote ikasturte berriaren plangintzari
Espainiako Hezkuntza Ministerioak eta autonomia erkidegoek lan-talde bat osatzea erabaki dute ostegun honetan, datorren ikasturterako pandemiara egokitutako eskola-antolaketari ekiteko. Planak prest egon behar dira uda baino lehen, eta egoera posible guztiak barne hartu behar dituzte.
Sektoreko Konferentzia batean adostu dute, 2020-21 ikasturtea nola hasi aztertzeko, eta gogorarazi dute autonomia-erkidego bakoitzaren ardura dela unibertsitatera sartzeko probak egitea, "bertan dauden ikasle eta irakasleentzako baldintza onenetan".
Deseskalatzearen 2. faserako, Espainiako Ministerioak adierazi du erkidegoek borondatezko laguntza- eta errefortzu-jarduerak antola ditzaketela behar gehien duten ikasleentzat, baita 0-6 urte bitarteko ikasleentzako Haur Hezkuntzako zentroak irekitzeko ere, baldin eta haien gurasoek aurrez aurre lan egin behar badute.
"Gehiengoaren babesa" jaso du 2. fasean etapa amaierako ikasleei lehentasuna emateko erabakiak (DBHko laugarren maila, Batxilergoko bigarren maila, Erdi eta Goi Mailako Lanbide Heziketako bigarren maila eta erregimen bereziko irakaskuntzen azken maila), maiatzaren 25etik aurrera, Isabel Celaa buru duen Sailak ohar batean jakinarazi duenez.
"Itzulera hori Osasun Ministerioak emandako segurtasun-arauak errespetatuz egingo da; ikasleen presentzia borondatezkoa izango da, baina jarduerak planifikatu egin beharko dira, beharrezkoak ez diren pilaketak saihesteko".
Euskal Autonomia Erkidegoak ostegun honetan iragarri duenez, maiatzaren 25era atzeratuko du, eta ez 18ra, hasiera batean esan zuen bezala, ikastaro horietako ikasleak ikasgeletara aurrez aurre itzultzea, hezkuntza komunitatea "gehiago ez tenkatzeko" eta "ziurgabetasun juridikoa" ez helarazteko.
Bestalde, duela aste batzuk, Celaak esan zuen datorren ikasturtean, txertorik ez badago, gehienez 15 ikasle egon beharko direla ikasgelako, eta aurrez aurreko eskolak eta online eskolak konbinatuko direla.
Hiru agertoki posible
Lantaldeak Hezkuntzaren eta komunitateen artean adostuko duen orientabideen dokumentua udako oporrak hasi baino lehen eginda egon beharko da, eta hiru agertoki posible hartuko ditu kontuan:
1.- Pandemiaren bilakaerari esker, hezkuntza-jarduera modu presentzialean egin daiteke ikastetxeetan, pertsonen arteko distantziari eusteko betebeharrik gabe.
2.- Pandemiaren bilakaeraren ondorioz, pertsonen arteko distantzia mantendu behar da ikastetxe guztietan, kutsatzeak saihesteko prebentzio-neurri gisa.
3.- Pandemiaren bilakaerak eragotzi egiten du hezkuntza-jarduera presentziala garatzea 2020-21 ikasturteko uneren batean, berriro konfinatzera behartzen duen gaixotasunaren beste agerraldiren baten ondorioz.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.