Irungo Udalak bertan behera utzi ditu San Martzialeko ekitaldi instituzionalak
Irungo Udalak bertan behera utzi ditu aurtengo sanmartzialetako ekitaldi instituzionalak, ekainaren 30ean egitekoak zirenak, covid-19aren ondorioz, botoa betetzea izan ezik, ohar baten bidez jakinarazi duenez.
Horrela, Udalbatza 12:00etan igoko da San Martzial mendira ekainaren 30ean. Udalak herritarrei dei egiten die, "inoiz baino gehiago, balkoiak eta leihoak hiriko banderarekin eta festaren koloreekin janzteko".
Irungo Udalak San Pedro eta San Martzial jaietako egitarauaren inguruko hausnarketa jarri zuen abian duela aste batzuk. Egitarauaren barruan jai-ekitaldiak antolatzen dituzten erakunde guztiekin bildu ondoren, egungo egoerara egokitutako jaiak egitea erabaki zuten, eta horretan ari dira lanean gaur egun.
Jai egitarauaren barruan egiten diren ekitaldi instituzionalei dagokienez, Udal Gobernuak, gainerako talde politikoekin batera, guztiak aztertu eta horretaz hitz egin du. Azkenik, ekainaren 30ean, 12:00etan, San Martzial mendian botoa bete baino ez dela egingo erabaki dute.
Ekitaldi instituzional hori Irungo herritar guztiak ordezkatzen dituen Udalbatzak egiten du, covid-19aren osasun-krisiarekin bizitzen ari garen egoeraren barruan ezartzen diren mugak betez.
Azkenik, Udalak "exijentziak betetzen laguntzeko bakoitzaren ulermena eta erantzukizuna" eskertu die herritarrei, eta "egun ezberdinak izango diren arren, ekainaren 29a eta 30a berriz ere egun bereziak izango dira irundar guztientzat", adierazi du.
Zure interesekoa izan daiteke
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriaren Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira eta 'Negare' izena jarri dioten polizia operazioak zabalik jarraitzen du. Oraingoz, 28 kaltetu identifikatu dituzte, tartean, Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.